ភាសាខ្មែរ 
English 
មានផ្ទៃពោះ
តើការរួមភេទក្នុងពេលមានផ្ទៃពោះមានសុវត្ថិភាពឬទេ?
ស្ត្រីមានផ្ទៃពោះ
និងដៃគូតែងតែឆ្ងល់អំពីសុវត្ថិភាពក្នុងការរួមភេទក្នុងពេលមានផ្ទៃពោះ។
តើវានឹងបណ្តាលឱ្យរលូតកូនឬទេ?
តើវានឹងបង្កអន្តរាយដល់ទារកដែលមិនទាន់កើតដែរឬទេ?
តើមានក្បាច់រួមភេទណាដែលត្រូវជៀសវាងឬទេ?
ខាងក្រោមជាព័ត៌មានដែលអ្នកកំពុងស្វែងរក។
ការរួមភេទគឺជាផ្នែកធម្មតាមួយនៃការមានផ្ទៃពោះ ប្រសិនបើអ្នកមានផ្ទៃពោះធម្មតា។ ការដាក់ប្រដាប់ភេទរបស់បុរសចូលទ្វារមាសរបស់ស្រ្តី និងចលនារួមភេទនឹងមិនបង្កអន្តរាយដល់ទារក ដែលត្រូវបានការពារដោយពោះ និងជញ្ជាំងសាច់ដុំរបស់ស្បូនទេ។ កូនរបស់អ្នកក៏ត្រូវបានការពារដោយទឹកភ្លោះដែរ។
ការកន្ត្រាក់នៃការឈានដល់ចំណុចកំពូលមិនដូចការកន្ត្រាក់ពេលសម្រាលទេ។
ទោះយ៉ាងណាក៏ដោយ យោងតាមការប្រុងប្រយ័ត្នអំពីសុវត្ថិភាពទូទៅ គ្រូពេទ្យខ្លះណែនាំឱ្យជៀសវាងការរួមភេទនៅសប្តាហ៍ចុងក្រោយនៃការមានផ្ទៃពោះ ដោយជឿជាក់ថាអ័រម៉ូននៅក្នុងទឹកកាមហៅថា prostaglandins
អាចជំរុញការកន្ត្រាក់ស្បូន។ មានករណីលើកលែងមួយសម្រាប់ស្ត្រីដែលលើសថ្ងៃសម្រាល ហើយចង់ជំរុញការសម្រាលមុនពេល។គ្រូពេទ្យខ្លះជឿថា
prostaglandins នៅក្នុងទឹកកាមពិតជាជំរុញការសម្រាលក្នុងអំឡុងពេលពេញ ឬមានផ្ទៃពោះហួសថ្ងៃសម្រាល ដោយសារជែលដែលប្រើដើម្បីបន្ទុំ "មាត់ស្បូន"
និងជំរុញការសម្រាលមុនពេលក៏មានផ្ទុក prostaglandins ផងដែរ។ ប៉ុន្តែគ្រូពេទ្យផ្សេងទៀតជឿថាការភ្ជាប់ទឹកកាមនេះគ្រាន់តែជាទ្រឹស្តីប៉ុណ្ណោះ ហើយការរួមភេទមិនបង្កឱ្យសម្រាលមុនពេលទេ។
ចំពោះការឈានដល់ចំណុចកំពូល ការកន្ត្រាក់ទាំងនោះមិនដូចការកន្ត្រាក់ពេលសម្រាលទេ។ ដូច្នេះវាគ្មានបញ្ហាទេ។
ពេលមិនគួររួមភេទនៅពេលមានផ្ទៃពោះ
គ្រូពេទ្យអាចណែនាំអ្នកកុំឱ្យរួមភេទ ប្រសិនបើអ្នកមានផ្ទៃពោះដែលមានហានិភ័យខ្ពស់ដូចខាងក្រោម៖
- អ្នកប្រឈមនឹងការរលូតកូន ឬធ្លាប់មានប្រវត្តិនៃការរលូតកូន
- អ្នកមានហានិភ័យនៃការសម្រាលកូនមិនគ្រប់ខែ
( ការកន្ត្រាក់មុនសប្តាហ៍ទី ៣៧ )
- អ្នកធ្លាក់ឈាមតាមទ្វារមាស ធ្លាក់ទឹករំអិល ឬរមូលពោះដោយមិនដឹងមូលហេតុ
- មានការធ្លាយទឹកភ្លោះ
- មាត់ស្បូនរបស់អ្នកបានបើកលឿនពេក
- សុកបាំងមាត់ស្បូន
- អ្នកពពោះកូនភ្លោះ
២ ៣ ឬច្រើនជាងនេះ។
សូមចងចាំថា ប្រសិនបើគ្រូពេទ្យនិយាយថា "គ្មានការរួមភេទ" វាអាចបញ្ចូលអ្វីៗទាំងអស់ដែលទាក់ទងនឹងការឈានដល់ចំណុចកំពូល ឬសម្រើបផ្លូវភេទ។ វាមិនមែនគ្រាន់តែជាការរួមភេទទេ។
ការរួមភេទពេលមានផ្ទៃពោះ
បទពិសោធន៍របស់ស្ត្រីគ្រប់រូបក្នុងពេលមានផ្ទៃពោះមានភាពខុសគ្នា រួមទាំងអារម្មណ៍របស់ពួកគេចំពោះការរួមភេទ។
ស្រ្តីមួយចំនួនបាត់ចំណង់ផ្លូវភេទក្នុងពេលមានផ្ទៃពោះ។ ឯស្ត្រីមួយចំនួនទៀតកាន់តែមានអារម្មណ៍នៅពេលពួកគេមានផ្ទៃពោះ។
ក្នុងអំឡុងពេលមានផ្ទៃពោះ
វាជារឿងធម្មតាទេដែលចំណង់ផ្លូវភេទកើតឡើង
និងបាត់ទៅវិញ ដោយសាររាងកាយរបស់អ្នកផ្លាស់ប្តូរ។ អ្នកអាចមានអារម្មណ៍ថាខ្លួនឯងនៅពេលពោះអ្នកធំឡើង។
ឬអ្នកអាចមានអារម្មណ៍ស្រើបស្រាលជាមួយនឹងសុដន់ធំ
និងពេញជាងមុន។
សូមប្រាប់ដៃគូពីអារម្មណ៍របស់អ្នក និងអ្វីដែលដំណើរការ។ អ្នកប្រហែលជាត្រូវសាកល្បងក្បាច់ជាច្រើន ជាពិសេសនៅត្រីមាសទី ៣ ដើម្បីរកក្បាច់ដែលស្រួល និងរំញោចសម្រាប់អ្នក។
សូមជៀសវាងការគេងផ្ងារ
“ ក្បាច់រួមភេទដែលបុរសនៅលើស្រ្តី ”
សម្រាប់ការរួមភេទបន្ទាប់ពីខែទី ៤ នៃការមានផ្ទៃពោះ។ តាមវិធីនេះ អ្នកអាចបញ្ជៀសទម្ងន់របស់ទារកដែលកំពុងលូតលាស់ ដែលធ្វើឱ្យស្ទះដល់សរសៃឈាមសំខាន់ៗ។
វិធីមួយទៀតដែលធ្វើឱ្យការរួមភេទកាន់តែមានផាសុកភាពគឺសាកល្បងគេងចំហៀង។
ឬអ្នកអាចសាកល្បងអង្គុយ ឬអង្គុយនៅខាងលើ។
ដូចរាល់ដង ប្រសិនបើអ្នកមិនច្បាស់អំពីប្រវត្តិផ្លូវភេទរបស់ដៃគូអ្នក សូមប្រើស្រោមអនាម័យ។ ការមានផ្ទៃពោះមិនអាចការពារប្រឆាំងនឹងការឆ្លងតាមរយៈការរួមភេទដូចជា៖ជំងឺអេដស៍
ជំងឺរោម ឫសដុះលើប្រដាប់ភេទ ឬរោគខ្លាមីឌៀបានទេ។ ហើយការឆ្លងទាំងនោះអាចប៉ះពាល់ដល់ទារកអ្នក។
ការរួមភេទបន្ទាប់ពីមានផ្ទៃពោះ
ប្រាំមួយសប្តាហ៍ដំបូងបន្ទាប់ពីសម្រាលត្រូវបានគេហៅថារយៈពេលក្រោយសម្រាល។
ការរួមភេទក្នុងអំឡុងពេលនេះអាចជារឿងចុងក្រោយនៅក្នុងចិត្តរបស់អ្នក។ មូលហេតុដែលចំណង់ផ្លូវភេទរបស់អ្នកអាចថយចុះមាន៖
- ការជាសះស្បើយពីការវះមាត់យោនី
(ការវះពេលសម្រាលកូនតាមទ្វារមាស)
- ការជាសះស្បើយពីការវះពោះ ក្រោយពេលសម្រាលកូនដោយការវះកាត់
- ការធ្លាក់ឈាមក្រោយឆ្លងទន្លេ ដែលកើតមានជាធម្មតាក្នុងរយៈពេល ៤ ទៅ ៦ សប្តាហ៍បន្ទាប់ពីសម្រាល
- ភាពល្ហិតល្ហៃក្រោយពេលមានផ្ទៃពោះ និងក្នុងពេលសម្រាល
- តម្រូវការរបស់ទារកទើបនឹងកើត
(វាកើនឡើង ប្រសិនបើអ្នកមានកូនភ្លោះ
២ ឬ ៣ )
- ការផ្លាស់ប្តូរកម្រិតអ័រម៉ូន
- ឈឺសុដន់ពីការបំបៅកូនដោយទឹកដោះ
- បញ្ហាផ្លូវចិត្តដូចជាបញ្ហាក្រោយពេលសម្រាលកូន ការថប់អារម្មណ៍លើភាពជាលោកប៉ាអ្នកម៉ាក់ ឬបញ្ហាទំនាក់ទំនងជាមួយលោកប៉ា
ជាទូទៅ ការរួមភេទមានសុវត្ថិភាពបន្ទាប់ពីការវះកាត់ណាមួយបានជាសះស្បើយ ហើយអ្នកមានអារម្មណ៍ថាជាលិកាទ្វារមាសរបស់អ្នកបានជាសះស្បើយ។
ការសះស្បើយនេះច្រើនតែចំណាយពេលច្រើនសប្តាហ៍។ អ្នកអាចសួរការណែនាំពីគ្រូពេទ្យបាន។ គ្រូពេទ្យច្រើននឹងនិយាយថាត្រូវរង់ចាំយ៉ាងហោចណាស់
៦ សប្តាហ៍ក្រោយពេលសម្រាលមុនពេលរួមភេទ។ វាសំខាន់ស្មើគ្នាក្នុងការមានអារម្មណ៍ត្រៀមខ្លួនជាស្រេច មានផាសុកភាព និងការធូរអារម្មណ៍។
ការអត់ធ្មត់គឺជាគុណធម៌សម្រាប់ទាំងអ្នក និងដៃគូ។ ដោយមើលឃើញពីតថភាព និងភាពតានតឹងនៃភាពជាឪពុកម្តាយដំបូង វាអាចចំណាយពេលមួយឆ្នាំដើម្បីឱ្យជីវិតផ្លូវភេទធម្មតារបស់គូស្វាមីភរិយាវិលត្រលប់មករកភាពរីករាយឡើងវិញ។
អត្ថបទពិសេស
ថ្នាំបំប៉នសម្រាប់សុខភាពស្បែក
April 22, 2021
ផលិតផលថែរក្សាស្បែកដែលមិនមានប្រសិទ្ធភាព
April 21, 2021
វិធីងាយៗដើម្បីកាត់បន្ថយស្នាមជ្រួញ
April 20, 2021
ការថែរក្សាស្បែកក៏សម្រាប់បុរសផងដែរ
April 19, 2021
បណ្ដាញសង្គម
