លក្ខខណ្ឌ
គន្លឹះ ៥ យ៉ាងក្នុងការកាត់បន្ថយការញ៉ាំអំបិល
ការកាត់បន្ថយការប្រើប្រាស់អំបិលអាចជួយកាត់បន្ថយសម្ពាធឈាមរបស់លោកអ្នក។ ជនជាតិអាម៉រិកភាគច្រើនត្រូវការកាត់បន្ថយអំបិល ព្រោះពួកគេទទួលបានជាតិសូដ្យូមច្រើនជាងចំនួនដែលពួកគេគួរទទួល។
សមាគមបេះដូងសម្រាប់ប្រជាជនអាម៉េរិក (The American Heart Association) បានណែនាំឱ្យញ៉ាំជាតិសូដ្យូម (អំបិល) តិចជាង ២ ៥០០ មីលីក្រាមក្នុងមួយថ្ងៃ លើកលែងតែលោកអ្នកមានជំងឺលើសឈាមឬកំពុងមានហានិភ័យ (លោកអ្នកមានជំងឺលើសឈាម ជំងឺទឹកនោមផ្អែម ឬជំងឺតម្រងនោមរួចហើយ) ។ អនុសាសន៍បន្ទាប់ គឺសូមលោកអ្នកញ៉ាំអំបិល ១ ៥០០ មីលីក្រាមក្នុងមួយថ្ងៃ។ មានន័យថា ទាំងរាល់អាហារ និងអាហារសម្រន់របស់លោកអ្នកមានអំបិលតិចជាងមួយស្លាបព្រាកាហ្វេ។
សូមចាប់ផ្តើមជាមួយគន្លឹះដូចខាងក្រោមនេះ៖
- បំបែកទម្លាប់នៃការដាក់អំបិលច្រើនទៅក្នុងអាហារ។ យោងតាម សមាគមបេះដូងសម្រាប់ប្រជាជនអាម៉េរិក (The American Heart Association) បានឱ្យដឹងថាអំបិលម៉ដ្តមានសូដ្យូមប្រមាណ ៤០%។ ដូច្នេះសូមជៀសវាងដាក់អំបិលថែមទៅក្នុងអាហារដែលចម្អិនរួច។
- អានស្លាកអាហារនៅពេលទិញទំនិញ។ សូមរកមើល ធញ្ញជាតិ (cereal), នំស្រួយ (cracker), ទឹកជ្រលក់មីអ៊ីតាលី (pasta sauce), បន្លែកំប៉ុង (canned vegetable) ដែលមានសូដ្យូមតិច ឬអាហារផ្សេងៗដែលមានកម្រិតអំបិលទាប។ a
- បរិភោគអាហារកែច្នៃ (processed food) និងអាហារវេចខ្ចប់ (package food) តិចតួច។ អាហារដែលបានវេចខ្ចប់ និងអាហារកែច្នៃទាំងនោះមានចំនួនសូដ្យូមច្រើន។ ប្រសិនបើលោកអ្នករៀបចំម្ហូបដោយខ្លួនឯង នោះលោកអ្នកនឹងអាចគ្រប់គ្រងវាបាន។
- នៅតាមភោជនីយដ្ឋានសូមសួរពីអំបិលដែលបានបន្ថែមទៅក្នុងអាហារ។ ចុងភៅនឹងមិនដាក់ ឬកាត់បន្ថយអំបិលប្រសិនបើលោកអ្នកស្នើសុំ។
- ប្រសិនបើភោជនីយដ្ឋានដែលលោកអ្នកចូលទៅបរិភោគមានប្រកាសអំពីសមាភាពអាហាររូបត្ថម្ភរបស់អាហារ សូមពិនិត្យមើលបរិមាណសូដ្យូមដែលដាក់នៅក្នុងអាហារ។ វាអាចមានជម្រើសអាហារជាច្រើនដែលមានកម្រិតសូដ្យូមទាប។
ប្រសិនបើលោកអ្នកត្រូវការប្រើអំបិលពេលចម្អិន សូមថែមវានៅចុងបញ្ចប់។ ធ្វើបែបនេះ លោកអ្នកនឹងត្រូវការថែមតែបន្តិចបន្តួចប៉ុណ្ណោះ។
Translate by Chakriya Phou
