ហាត់ប្រាណដើម្បីបេះដូងមានសុខភាពល្អ

ហាត់ប្រាណដើម្បីបេះដូងមានសុខភាពល្អ

តើលោកអ្នកព្រួយបារម្ភទាក់ទងនឹងការហាត់ប្រាណ ពីព្រោះលោកអ្នកខានហាត់យូរ ឬមានអារម្មណ៍ថា ខូចរាង មែនទេ? តាមពិតការហាត់ប្រាណពិតជាល្អ។ ការសកម្មរាងកាយនឹងជួយ ៖

មុនពេលចាប់ផ្តើម សូមលោកអ្នកសួរសំណួរទៅវេជ្ជបណ្ឌិត ដូចខាងក្រោម ៖

១. តើខ្ញុំអាចហាត់ប្រាណប៉ុន្មាននាទីក្នុងមួយថ្ងៃ?

២. តើខ្ញុំអាចហាត់ប្រាណប៉ុន្មានដងក្នុងមួយសប្តាហ៍?

៣. តើក្បាច់ហាត់ប្រាណណាខ្លះដែលខ្ញុំគួរហាត់ និងក្បាច់ណាខ្លះដែលខ្ញុំគួរជៀសវាង?

៤. តើខ្ញុំគួររៀបចំពេលសម្រាប់លេបថ្នាំ តាមកាលវិភាគហាត់ប្រាណរបស់ខ្ញុំឬទេ?

៥. តើខ្ញុំគួរវាស់ជីពចររបស់ខ្ញុំដែរឬទេ នៅពេលខ្ញុំហាត់ប្រាណ? តើអត្រាជីពចរមួយណាដែលខ្ញុំគួរតែមាន?

៦. តើមានសញ្ញាព្រមានណាមួយដែលខ្ញុំគួរប្រយ័ត្នដែរឬទេ?

 

អ្វីដែលលោកអ្នកត្រូវធ្វើ

តើលោកអ្នកទើបតែចាប់ផ្តើមហាត់ប្រាណមែនទេ? បើដូច្នេះ លោកអ្នកគួរហាត់ជាមួយគ្រូបង្វឹកដែលបានទទួលការបណ្តុះបណ្តាល។ ប្រសិនបើលោកអ្នកមានបញ្ហាបេះដូង សូមណាត់ជួបជាមួយអ្នកជំនាញខាងជំងឺបេះដូងជាមុនសិន។ 

Cardio (ការហាត់អារ៉ូប៊ិក) ៖  នេះធ្វើឱ្យចង្វាក់បេះដូងលោតបានលឿនជាងមុន។ វាក៏ជួយបន្ថយសម្ពាធឈាមរបស់លោកអ្នកដែរ។ លោកអ្នកអាចហាត់ដូចខាងក្រោម បើសិនជាវេជ្ជបណ្ឌិតរបស់លោកអ្នកអនុញ្ញាត ៖

ការហ្វឹកហាត់កម្លាំង ផ្តល់កម្លាំង និងពង្រឹងសាច់ដុំរបស់លោកអ្នក។ ការហាត់ដោយលើកដុំទម្ងន់ធ្ងន់ អាចបង្កើនសម្ពាធឈាម ក្នុងរយៈពេលខ្លី។ ដូច្នេះលើកដុំទម្ងន់ដែលស្រាល តែលើកវាច្រើនដង។ សូមប្រើដុំទម្ងន់លើកដោយដៃ (hand weights, ម៉ាស៊ីនហាត់ទម្ងន់ (weight machines) នៅក្លឹបហាត់ប្រាណ, ប្រើខ្សែយឺត (resistance band), ឬទម្ងន់ខ្លួនរបស់លោកអ្នកផ្ទាល់។

វិធីសាស្រ្តល្អគឺត្រូវហាត់ឱ្យបានច្រើនឈុតក្នុងមួយចលនា ហើយបន្ទាប់មកទុកឱ្យសាច់ដុំទាំងនោះសម្រាកមួយថ្ងៃ ឬសម្រាកពីរដងចន្លោះវគ្គហាត់នីមួយៗ។

 

ធ្វើយ៉ាងណាដើមី្បទទួលបានអត្ថប្រយោជន៍បំផុតពីការហាត់ប្រាណ

ប្រសិនបើលោកអ្នកទើបតែហាត់ នោះលោកអ្នកនឹងទទួលបានប្រយោជន៍ច្រើនបំផុតពីការហាត់ប្រាណនេះ បើលោកអ្នកធ្វើតាមច្បាប់ខាងក្រោមនេះ ៖

ចាប់ផ្តើមសន្សឹមៗ ៖  សមាគមបេះដូងអាម៉េរិក (American Heart Association) បានណែនាំឱ្យហាត់ប្រាណ ឱ្យបានច្រើនថ្ងៃក្នុងមួយសប្តាហ៍។ លោកអ្នកហាត់បានកាន់តែច្រើន លោកអ្នកកាន់តែមានសុខភាពល្អ ហើយបេះដូងលោកអ្នកក៏មានសុខភាពល្អដែរ។ ទោះបីហាត់បានតិចម៉ោងក៏ដោយ ក៏ជួយដល់សុខភាពរបស់លោកអ្នកដូចគ្នា។

តាមដំណើរ ៖ ម្តងបន្តិចៗ លោកអ្នកនឹងអាចហាត់បានយូរ ឬខ្លាំងជាងមុន។ ក្នុងពេលហាត់ប្រាណ លោកអ្នកគួរជជែកជាមួយអ្នកផ្សេងៗ។ ប្រសិនជាមិនអាចនិយាយក្នុងអំឡុងហាត់ វាអាចមកពីបែបនេះរាងខ្លាំងបន្តិចសម្រាប់លោកអ្នក។

រក្សាការហាត់ ការផ្លាស់ប្តូរទម្លាប់ថ្មីមិនមែនជារឿងងាយស្រួលទេ។ ការហាត់ប្រាណក៏មិនខុសគ្នាដែរ។ ប៉ុន្តែមានវិធីជាច្រើនដើម្បីជំរុញលោកអ្នកឱ្យជោគជ័យ។

ប្រើគន្លឹះខាងក្រោមនេះក្នុងការហាត់ប្រាណ ៖

១. បន្ទាប់ពីញ៉ាំអាហាររួច ត្រូវរង់ចាំ យ៉ាងហោចណាស់ មួយម៉ោងសិន សឹមហាត់។

២. កម្តៅសាច់ដុំ ដោយធ្វើសកម្មភាពក្នុងល្បឿនយឺត និងស្រាល។ នេះអាចជួយឱ្យបេះដូងរបស់លោកអ្នក (និងផ្នែកផ្សេងទៀតនៃរាងកាយ) លៃតម្រូវបន្តិចម្តងៗ ពីនៅស្ងៀមទៅមានចលនា រហូតដល់ចលនាខ្លាំង។

៣. ធ្វើចលនាស្រាលៗ ពេលហាត់ចប់។ លោកអ្នកគួរបន្ថយល្បឿនហាត់ប្រាណបន្តិចម្តងៗ សូមកុំឈប់ភ្លាមៗ។ បើលោកអ្នកអង្គុយ, ឈរស្ងៀម, ឬគេងភ្លាម បន្ទាប់ពីហាត់ប្រាណរួច នោះអាចធ្វើឱ្យលោកអ្នកមានអារម្មណ៍វិលមុខ ឬឈឺក្បាលតិចៗ ឬមានអារម្មណ៍ញ័រទ្រូងទៀតផង។

៤. ញ៉ាំទឹកបន្តិចមុនពេលហាត់ អំឡុងហាត់ និងក្រោយពេលហាត់ប្រាណ។

 

ត្រូវយកចិត្តទុកដាក់ចំពោះរាងកាយលោកអ្នក

ពេលហាត់ដំបូង លោកអ្នកនឹងឈឺសាច់ដុំ។ នេះជារឿងធម្មតាទេ។ ពេលដែលលោកអ្នកហាត់ធ្លាប់ទៅ ការឈឺនឹងរលាយបាត់។ ប៉ុន្តែប្រសិនបើលោកអ្នកឈឺចាប់ភ្លាមៗ ឬឈឺធ្ងន់ធ្ងរ ឬមានបញ្ហាណាមួយដូចខាងក្រោម សូមបញ្ឈប់ការហាត់ភ្លាមៗ។ ប្រសិនបើអាការឈឺនៅតែបន្តមាន សូមទូរស័ព្ទទៅរកគ្រូពេទ្យ ឬទៅលេខ ១១៩ ។

Leave a Comment