លក្ខខណ្ឌ

How to use the glycemic index ( របៀបប្រើតារាងរាយល្បឿនអាហារ ដែលបង្កើនកំរិតជាតិស្ករក្នុងឈាម )

អាហារខ្លះអាចធ្វើឱ្យជាតិស្ករក្នុងឈាមរបស់លោកអ្នកឡើងលឿន។ នោះដោយសារតែកាបូអ៊ីដ្រាតដូចជាជាតិស្ករដែលបានចម្រាញ់ហើយ  និងនំប៉័ង មានភាពងាយស្រួលសម្រាប់រាងកាយរបស់លោកអ្នកក្នុងការផ្លាស់ប្តូរទៅជាគ្លុយកូស   ជាតិស្ករដែលរាងកាយរបស់លោកអ្នកប្រើសម្រាប់ថាមពល   ជាជាងការរំលាយជាតិស្ករយឺត ៗ ដូចជាប្រភេទនៅក្នុងបន្លែ   និងគ្រាប់ធញ្ញជាតិទាំងមូល។ ការញ៉ាំកាបូអ៊ីដ្រាតងាយៗទាំងនោះច្រើន     នឹងធ្វើឱ្យលោកអ្នកមានការពិបាកក្នុងការគ្រប់គ្រងជាតិស្ករក្នុងឈាម    ទោះបីជាលោកអ្នកប្រើអាំងស៊ុយលីន   និងថ្នាំទឹកនោមផ្អែមក៏ដោយ។

 

Glycemic Index ផ្តល់ឱ្យលោកអ្នកនូវមធ្យោបាយមួយ   ដើម្បីប្រាប់ពី “កាបូអ៊ីដ្រាតល្អ” ដែលមានសកម្មភាពយឺត    និង   “កាបូអ៊ីដ្រាតអាក្រក់”    ដែលមានសកម្មភាលឿន។ លោកអ្នកអាចប្រើវា   ដើម្បីសម្រួលដល់ការរាប់បរិមាណកាបូអ៊ីដ្រាតរបស់លោកអ្នក   និងជួយរក្សាកម្រិតជាតិស្ករក្នុងឈាមរបស់លោកអ្នកឱ្យនៅថេរជាងមុន។

តើ Glycemic Index គឺជាអ្វី?

Glycemic Index គឺជាលេខ។ វាផ្តល់ឱ្យលោកអ្នកនូវគំនិត   អំពីល្បឿនដែលរាងកាយរបស់លោកអ្នក   បំលែងកាបូដ្រាតនៅក្នុងអាហារទៅជាគ្លុយកូស។ អាហារពីរដែលមានបរិមាណកាបូអ៊ីដ្រាតដូចគ្នា   អាចមានលេខ Glycemic Index ខុសគ្នា។

 

ចំនួនកាន់តែតិច    ផលប៉ះពាល់នៃអាហារលើជាតិស្ករក្នុងឈាមរបស់លោកមានកាន់តែតិច

សូមរកមើល Glycemic Index នៅលើស្លាកនៃកញ្ចប់អាហារ។ លោកអ្នកក៏អាចស្វែងរកបញ្ជី Glycemic Index សម្រាប់អាហារទូទៅ នៅលើអ៊ីនធឺណែតផងដែរ។ សាកលវិទ្យាល័យ Harvard មាន Glycemic Index មួយដែលមានអាហារច្រើនជាង ១០០ប្រភេទ។ ឬ សូមសាកសួរអ្នកជំនាញខាងចំណីអាហារ ឬអ្នកផ្តល់យោបល់ផ្នែកអាហារូបត្ថម្ភរបស់លោកអ្នក។


អាហារដែលនៅជិតនឹងរបៀបដែលពួកវាត្រូវបានរកឃើញនៅក្នុងធម្មជាតិ ទំនងមាន Glycemic Index ទាបជាងអាហារកែច្នៃ។

Glycemic Index អាចផ្លាស់ប្តូរបាន

លេខនោះគឺជាចំណុចចាប់ផ្តើមនៅលើក្រដាស។ វាអាចខុសគ្នានៅលើចានរបស់លោកអ្នក   អាស្រ័យលើរឿងជាច្រើន។

 

ការរៀបចំ៖ ជាតិខ្លាញ់   ជាតិសរសៃ   និងអាស៊ីត ( ដូចជាទឹកក្រូចឆ្មា   ឬទឹកខ្មេះ ) កាត់បន្ថយ Glycemic Index ។ ពេលដែលអ្នកចម្អិនអាហារម្សៅ   ដូចជាអង្ករ   កាន់តែយូរ   នោះ Glycemic Index កាន់តែខ្ពស់។

 

ការទុំ៖ Glycemic Index នៃផ្លែឈើ   ដូចជាចេក   កើនឡើងនៅពេលពួកវាទុំ។

 

អាហារផ្សេងទៀតញ៉ាំក្នុងពេលតែមួយ៖ បន្ថយ Glycemic Index ទាំងមូលរបស់អាហារ   ដោយរួមបញ្ចូលគ្នានូវអាហារដែលមាន Glycemic Index ខ្ពស់   ជាមួយអាហារដែលមាន Glycemic Index ទាប។

 

អាយុរបស់លោកអ្នក   តើលោកអ្នកសកម្មប៉ុណ្ណា   តើលោកអ្នករំលាយអាហារលឿនប៉ុណ្ណា   ក៏មានឥទ្ធិពលទៅលើរបៀបដែលរាងកាយរបស់លោកអ្នក   មានប្រតិកម្មទៅនឹងកាបូអ៊ីដ្រាតផងដែរ។ ប្រសិនបើលោកអ្នកមានផលវិបាកជំងឺទឹកនោមផ្អែម  ដែលត្រូវបានគេហៅថា ជំងឺក្រពះ(gastroparesis) ដែលពន្យារពេលក្រពះរបស់លោកអ្នកពីការបញ្ចេញចោល      នោះរាងកាយរបស់លោកអ្នកនឹងស្រូបយកអាហារកាន់តែយឺត។

 

The Bigger Picture: Glycemic Load and a Good Diet

Glycemic Index មិនគួរជារឿងតែមួយដែលលោកអ្នកពិចារណា    ពេលធ្វើការសម្រេចចិត្តអំពីអ្វីដែលត្រូវបរិភោគនោះទេ។ ការពិតអាហារមាន Glycemic Index ទាប   មិនមានន័យថាវាមានសុខភាពល្អខ្លាំង   ឬលោកអ្នកគួរញ៉ាំវាច្រើននោះទេ។ កាឡូរី   វីតាមីន   និងសារធាតុរ៉ែនៅតែសំខាន់។

 

ឧទាហរណ៍   បន្ទះដំឡូងបារាំងមាន Glycemic Index   ទាបជាងអាហារធញ្ញជាតិស្រូវសាលី (oatmeal)   និងប្រហែលជាមាន Glycemic Index ដូចគ្នានឹងសណ្តែកហោឡាំងតៅ។ តែអាហារធញ្ញជាតិស្រូវសាលី (oatmeal)    និងសណ្តែកហោឡាំងតៅ   មានសារធាតុចិញ្ចឹមច្រើនជាង។

ទំហំចំណែកក៏សំខាន់ដែរ។ កាបូអ៊ីដ្រាតប្រភេទណាក៏ដោយ   ដែលលោកអ្នកញ៉ាំកាន់តែច្រើន   ពួកវានឹងប៉ះពាល់ដល់ជាតិស្ករក្នុងឈាមរបស់លោកអ្នកកាន់តែខ្លាំង។ នោះហើយជាអ្វីដែល Glycemic load (រង្វាស់បរិមាណកាបូអ៊ីដ្រាតក្នុង ១ ចំណែកអាហារ   ជាមួយល្បឿនដែលវាបង្កើនកម្រិតជាតិស្ករក្នុងឈាម)   ប្រាប់លោកអ្នក។ វាជាលេខដែលលោកអ្នកអាចមើលឃើញ   រួមជាមួយ Glycemic Index នៅក្នុងបញ្ជី។ សូមគិតពីវាដូច Glycemic Index សម្រាប់បរិមាណជាក់លាក់នៃអាហារ។

 

Glycemic load ជួយឱ្យលោកអ្នកគណនាទាំងបរិមាណ   និងគុណភាពនៃកាបូអ៊ីដ្រាត   ក្នុងពេលតែមួយ។ តិចជាង ១០ គឺទាប   ច្រើនជាង ២០ គឺខ្ពស់។

 

សម្រាបរបបអាហារដែលមាន Glycemic load ទាប   សូមទទួលទាន៖

លោកអ្នកនៅតែអាចញ៉ាំ   ចំណីអាហារដែលមាន glycemic index ខ្ពស់។ គ្រាន់តែរីករាយជាមួយពួកវានៅក្នុងចំណែកតូចជាងមុន   ហើយទូទាត់ពួកវាជាមួយអាហារដែលមានជីវជាតិ   និងមាន glycemic index ទាប    នៅពេលញុំាអាហារលើកក្រោយ។

Translate by Vann Sok

Leave a Comment