មូលហេតុកំពូលនៃបញ្ហាភ្នែក

មនុស្សភាគច្រើនមានបញ្ហាភ្នែកនៅពេលតែមួយ    ឬពេលផ្សេងទៀត។ បញ្ហាភ្នែកខ្លះស្រាល ហើយនឹងបាត់ទៅវិញដោយខ្លួនឯង    ឬងាយព្យាបាលនៅផ្ទះ។ បញ្ហាភ្នែកផ្សេងទៀតត្រូវការការថែទាំពីអ្នកឯកទេស។

មិនថាចក្ខុវិស័យរបស់អ្នកមិនដូចពីមុន    ឬមិនល្អដូចមុន    មានរឿងជាច្រើនដែលអ្នកអាចធ្វើបាន    ដើម្បីធ្វើឱ្យសុខភាពភ្នែករបស់អ្នកវិលមករកភាពដើមវិញ។

សូមមើលថាតើមានបញ្ហាទូទៅណាមួយដែលស្តាប់ទៅប្រហែលៗ។ ហើយត្រូវពិគ្រោះជាមួយគ្រូពេទ្យជានិច្ច    ប្រសិនបើអាការរបស់អ្នកពិតជាមិនល្អ     ឬមិនធូរស្បើយក្នុងរយៈពេលពីរបីថ្ងៃ។

រោយភ្នែក

អ្នកដែលអានរាប់ម៉ោង    ធ្វើការជាមួយកុំព្យូទ័រ     ឬបើកបរផ្លូវឆ្ងាយ    ដឹងអំពីបញ្ហានេះ។ វាកើតឡើងនៅពេលអ្នកប្រើភ្នែកច្រើនពេក។ ភ្នែករបស់អ្នកអស់កម្លាំង     ហើយត្រូវការសម្រាកដូចជាផ្នែកផ្សេងទៀតនៃរាងកាយរបស់អ្នកដែរ។

ប្រសិនបើភ្នែករបស់អ្នករោយ    សូមទុកពេលឱ្យពួកវាសម្រាកខ្លះ។ ប្រសិនបើភ្នែករបស់អ្នកនៅតែនឿយហត់បន្ទាប់ពីពីរបីថ្ងៃ    សូមពិនិត្យជាមួយគ្រូពេទ្យដើម្បីប្រាកដថាវាមិនមែនជាបញ្ហាផ្សេងទៀតទេ។

ភ្នែក​ក្រហម

ភ្នែករបស់អ្នកក្រហម។ ហេតុអ្វី?

ផ្ទៃរបស់ភ្នែកត្រូវបានគ្របដណ្ដប់ដោយសរសៃឈាម     ដែលរីកនៅពេលដែលពួកវារលាក    ឬឆ្លងមេរោគ។ បញ្ហានេះធ្វើឱ្យភ្នែកអ្នកឡើងក្រហម។

ការរោយភ្នែក     ការភ្ញាក់យប់ជ្រៅ     ការគេងមិនគ្រប់គ្រាន់    ឬអាលែកហ្ស៊ីអាចធ្វើឱ្យភ្នែកក្រហម     ។ ប្រសិនបើភ្នែកក្រហមបណ្តាលមកពីរបួស       អ្នកត្រូវឱ្យគ្រូពេទ្យពិនិត្យ។

ភ្នែកក្រហមអាចជាអាការនៃជំងឺភ្នែកមួយផ្សេងទៀតដូចជា៖ ជំងឺភ្នែកក្រហម (ភ្នែកផ្កាឈូក)    ឬការបំផ្លាញដោយពន្លឺព្រះអាទិត្យពីការមិនពាក់វ៉ែនតាការពារពន្លឺថ្ងៃអស់រយៈពេលជាច្រើនឆ្នាំ។ ប្រសិនបើថ្នាំបន្តក់ភ្នែកនៅតាមបញ្ជរលក់       និងការសម្រាកមិនធ្វើឱ្យអាការធូរស្បើយ     សូមទៅជួបគ្រូពេទ្យ។

ជំងឺខ្វាក់មាន់

តើវាពិបាកក្នុងការមើលនៅពេលយប់    ជាពិសេសនៅពេលបើកបរមែនទេ? វាពិបាកក្នុងការស្វែងរកផ្លូវនៅកន្លែងងងឹត    ដូចជានៅក្នុងរោងកុនមែនទេ?

ស្តាប់ទៅដូចជាជំងឺខ្វាក់មាន់។ វាជាអាការ    មិនមែនជាបញ្ហាទេ។ មីញ៉ូបជិត    ភ្នែកឡើងបាយ      កញ្ចក់ភ្នែកប៉ោង (keratoconus)      និងកង្វះវីតាមីន A សុទ្ធតែបណ្តាលឱ្យកើតជំងឺខ្វាក់មាន់ដែលគ្រូពេទ្យអាចព្យាបាលបាន។

មនុស្សខ្លះកើតមកមានបញ្ហានេះ    ឬវាអាចវិវឌ្ឍមកពីជំងឺដែលទាក់ទងនឹងរេទីន (retina)   ហើយជាទូទៅមិនអាចព្យាបាលបានទេ។ ប្រសិនបើអ្នកមានវា     អ្នកត្រូវប្រុងប្រយ័ត្នបន្ថែមទៀតនៅក្នុងតំបន់ដែលមានពន្លឺតិច។

ភ្នែកខ្ជិល

ភ្នែកខ្ជិល     ឬភាពងងឹតបន្តិចម្តងៗកើតឡើងនៅពេលដែលភ្នែកម្ខាងមិនវិវឌ្ឍត្រឹមត្រូវ។ ចក្ខុវិស័យខ្សោយនៅក្នុងភ្នែកនោះ    ហើយវាងាយនឹងធ្វើចលនាជុំវិញដោយ «ខ្ជិលច្រអូស»    ខណៈពេលដែលភ្នែកម្ខាងទៀតមិនធ្វើចលនា។ ភ្នែកខ្ជិលត្រូវបានគេរកឃើញនៅលើទារក    កុមារ     និងមនុស្សពេញវ័យ     ហើយវាកម្រនឹងប៉ះពាល់ដល់ភ្នែកទាំងពីរណាស់។ ចំពោះទារក    និងកុមារចាំបាច់ត្រូវស្វែងរកការព្យាបាលជាបន្ទាន់ ។

ប្រសិនបើភ្នែកខ្ជិលត្រូវបានរកឃើញ     និងព្យាបាលក្នុងវ័យកុមារភាព     កុមារអាចជៀសបញ្ហាចក្ខុវិស័យពេញមួយជីវិតបាន។ ការព្យាបាលរួមមានកញ្ចក់វ៉ែនតា    ឬកែវដាក់ក្នុងភ្នែក    និងការប្រើបំណះ    ឬយុទ្ធសាស្ត្រផ្សេងទៀតដើម្បីធ្វើឱ្យកុមារប្រើភ្នែកខ្ជិល។

ភ្នែកស្រលៀង (Strabismus) និង ភ្នែករេញាប់ (Nystagmus)

ប្រសិនបើភ្នែកទាំងពីររបស់អ្នកមិនត្រង់គ្នា    នៅពេលដែលអ្នកក្រឡេកមើលអ្វីមួយ    អ្នកអាចមានភ្នែកស្រលៀង។ អ្នកអាចធ្លាប់ឮគេហៅថាភ្នែកស្រលែវ។

បញ្ហានេះនឹងមិនបាត់ដោយឯកឯងទេ។ ពេលខ្លះអ្នកអាចទៅរកការព្យាបាលចក្ខុជាមួយគ្រូពេទ្យភ្នែក    ដើម្បីជួយពង្រឹងសាច់ដុំភ្នែកខ្សោយ។ ជាញឹកញាប់អ្នកនឹងត្រូវការគ្រូពេទ្យជំនាញខាងភ្នែក    ដើម្បីធ្វើការវះកាត់កែតម្រូវ។ អ្នកត្រូវការគ្រូពេទ្យជំនាញខាងភ្នែក    ដើម្បីធ្វើការកែតម្រូវភ្នែក។

ជាមួយនឹងភ្នែករេញាប់ (nystagmus)      ភ្នែកចលនា     ឬ “ញ័រ” គ្រប់ពេលដោយខ្លួនឯង។

មានវិធីព្យាបាលជាច្រើនរួមទាំងការព្យាបាលចក្ខុ    ដើម្បីធ្វើឱ្យភ្នែករបស់អ្នករឹងមាំ។ ការវះកាត់ក៏ជាជម្រើសមួយដែរ។ គ្រូពេទ្យនឹងពិនិត្យភ្នែករបស់អ្នក    ដើម្បីមើលថាតើការព្យាបាលមួយណាដែលអាចជួយអ្នកបាន។

ងងឹតពណ៌

នៅពេលដែលអ្នកមិនអាចមើលឃើញពណ៌ជាក់លាក់ណាមួយ ឬមិនអាចប្រាប់ពីភាពខុសគ្នារវាងពណ៌ (ជាទូទៅពណ៌ក្រហម    និងបៃតង) អ្នកអាចនឹងងងឹតពណ៌។ វាកើតឡើងនៅពេលកោសិកាពណ៌នៅក្នុងភ្នែករបស់អ្នក (វេជ្ជបណ្ឌិតនឹងហៅវាថាកោសិកាកោណ) អវត្តមានឬមិនដំណើរការ។

នៅពេលដែលវាធ្ងន់ធ្ងរបំផុត    អ្នកអាចមើលឃើញតែនៅក្នុងពណ៌ប្រផេះ    ប៉ុន្តែវាកម្រណាស់។ មនុស្សភាគច្រើនដែលកើតរោគនេះ     មានវាពីកំណើត    ប៉ុន្តែអ្នកអាចកើតជំងឺនេះនៅពេលក្រោយ      ដោយសារថ្នាំ     និងជំងឺមួយចំនួន។ គ្រូពេទ្យអាចប្រាប់អ្នកពីអ្វីដែលជាមូលហេតុ។ បុរសទំនងជាកើតរោគនេះពីកំណើតច្រើនជាងស្ត្រី។

គ្រូពេទ្យភ្នែករបស់អ្នកអាចធ្វើរោគវិនិច្ឆ័យបានដោយប្រើតេស្តសាមញ្ញ។ មិនមានការព្យាបាលទេប្រសិនបើអ្នកកើតរោគនេះពីកំណើត    ប៉ុន្តែកែវដាក់ក្នុងភ្នែកពិសេស    និងវ៉ែនតាអាចជួយមនុស្សមួយចំនួនប្រាប់ពីភាពខុសគ្នារវាងពណ៌ជាក់លាក់បាន។

ជំងឺរលាកភ្នែក (Uveitis)

នេះគឺជាឈ្មោះសម្រាប់ក្រុមនៃជំងឺដែលបណ្តាលឱ្យរលាក uvea ។ Uvea គឺជាស្រទាប់កណ្តាលនៃភ្នែកដែលផ្ទុកសរសៃឈាមភាគច្រើន។

ជំងឺទាំងនេះអាចបំផ្លាញជាលិកាភ្នែក  ហើយថែមទាំងបណ្តាលឱ្យងងឹតភ្នែកទៀតផង។ មនុស្សគ្រប់វ័យអាចមានជំងឺនេះ។ អាការអាចបាត់ទៅវិញយ៉ាងឆាប់រហ័ស    ឬមានរយៈពេលយូរ។

អ្នកដែលមានបញ្ហាប្រព័ន្ធភាពស៊ាំដូចជា៖ អេដស៍    ជំងឺរលាកសន្លាក់រ៉ាំរ៉ៃ    ឬជំងឺរលាកពោះវៀនធំអាចនឹងមានជំងឺរលាកភ្នែក uveitis ។ អាការអាចមាន៖

សូមទៅជួបគ្រូពេទ្យ   ប្រសិនបើអ្នកមានអាការខាងលើ    ហើយអាការទាំងនោះមិនបាត់ទៅវិញក្នុងរយៈពេលពីរបីថ្ងៃ។ មានការព្យាបាលជំងឺរលាកភ្នែក uveitis ប្រភេទផ្សេងៗគ្នា     អាស្រ័យលើប្រភេទជំងឺដែលអ្នកមាន។

ងងឹតជិត​  (Presbyopia)

បញ្ហានេះកើតឡើងនៅពេលដែលអ្នកបាត់បង់សមត្ថភាពមើលវត្ថុនៅជិត     និងអក្សរតូចច្បាស់(ទោះបីជាមានចក្ខុវិស័យឆ្ងាយល្អ)។

បន្ទាប់ពីអាយុ ៤០ ឆ្នាំឡើង    អ្នកប្រហែលជាត្រូវកាន់សៀវភៅ    ឬសម្ភារអានផ្សេងទៀតឱ្យនៅឆ្ងាយពីភ្នែករបស់អ្នក    ដើម្បីងាយស្រួលក្នុងការអាន។ របៀបដូចជាដៃរបស់អ្នកខ្លីពេក។

វ៉ែនតាសម្រាប់អាន    កែវដាក់ក្នុងភ្នែក     និង     LASIK      ដែលជាការវះកាត់កែវភ្នែកដោយកាំរស្មីឡាហ៊្សែ    និងនីតិវិធីផ្សេងទៀតអាចត្រូវបានប្រើ     ដើម្បីស្តារចក្ខុវិស័យក្នុងការអាន។ សូមស្វែងយល់បន្ថែមអំពីការវះកាត់កែវភ្នែក LASIK     និងងងឹតជិត​ (មីញ៉ូបជិត)។

ចំណុចអណ្តែតតូចៗ (Floaters)

Floaters ជាចំណុចតូចៗដែលអណ្តែតពាសពេញចក្ខុវិស័យរបស់អ្នក។ មនុស្សភាគច្រើនសម្គាល់ឃើញពួកវានៅក្នុងបន្ទប់ដែលមានពន្លឺល្អ    ឬនៅក្រៅផ្ទះដែលមានពន្លឺថ្ងៃ។

ការមានចំណុចអណ្តែតតូចៗ (Floaters) ជារឿងធម្មតា    ប៉ុន្តែពេលខ្លះវាអាចជាសញ្ញានៃបញ្ហាភ្នែកធ្ងន់ធ្ងរ     ដូចជាការរបើកបាតភ្នែក។ នោះគឺជាពេលរេទីននៅខាងក្រោយភ្នែករបស់អ្នក    បែកចេញពីស្រទាប់ខាងក្រោម។ នៅពេលបញ្ហានេះកើតឡើង    អ្នកក៏អាចឃើញពន្លឺភ្លឹបភ្លែតរួមជាមួយចំណុចអណ្តែតតូចៗ (Floaters)      ឬស្រមោលងងឹតដែលឆ្លងកាត់គែមចក្ខុវិស័យរបស់អ្នក។

ប្រសិនបើអ្នកសម្គាល់ឃើញការផ្លាស់ប្តូរប្រភេទ    ឬចំនួនចំណុច     ឬពន្លឺភ្លឹបភ្លែតដែលអ្នកឃើញឬរបាំងខ្មៅក្នុងចក្ខុវិស័យខាងៗរបស់អ្នក (peripheral vision)    សូមទៅជួបគ្រូពេទ្យភ្នែកភ្លាម។

ភ្នែកស្ងួត

បញ្ហានេះកើតឡើងនៅពេលដែលភ្នែករបស់អ្នកមិនអាចផលិតទឹកភ្នែកបានគ្រប់គ្រាន់។ អ្នកប្រហែលជាមានអារម្មណ៍ថាមានអ្វីមួយនៅក្នុងភ្នែក    ឬមានអារម្មណ៍ថាវាកំពុងរលាក។ វាកម្រណាស់    ក្នុងករណីធ្ងន់ធ្ងរ    ភាពស្ងួតខ្លាំងអាចបណ្តាលឱ្យបាត់បង់ចក្ខុវិស័យខ្លះ។ ការព្យាបាលមួយចំនួនរួមមាន៖

ប្រសិនបើបញ្ហាភ្នែកស្ងួតរបស់អ្នកមានលក្ខណៈរ៉ាំរ៉ៃ    អ្នកអាចនឹងមានជំងឺភ្នែកស្ងួត។ គ្រូពេទ្យអាចចេញវេជ្ជបញ្ជាឱ្យប្រើថ្នាំបន្តក់ភ្នែកដូចជា៖ ថ្នាំ cyclosporine (Cequa, Restasis) ឬ lifitegrast (Xiidra) ដើម្បីជំរុញការផលិតទឹកភ្នែក។

ការហូរទឹកភ្នែកច្រើន

វាមិនមានអ្វីដែលត្រូវធ្វើជាមួយអារម្មណ៍របស់អ្នកទេ។ អ្នកប្រហែលជាងាយប្រតិកម្មនឹងពន្លឺខ្យល់    ឬការផ្លាស់ប្តូរសីតុណ្ហភាព ។ សូមព្យាយាមការពារភ្នែករបស់អ្នកដោយបាំងពួកវា    ឬពាក់វ៉ែនតាការពារពន្លឺ (សូមរកប្រភេទមានស៊ុមរុំ     ពួកវារារាំងខ្យល់ច្រើនជាងប្រភេទផ្សេងទៀត) ។

ការហូរទឹកភ្នែកក៏អាចបង្ហាញពីបញ្ហាកាន់តែធ្ងន់ធ្ងរដែរដូចជា    ការឆ្លងមេរោគភ្នែក    ឬរន្ធទឹកភ្នែកស្ទះ។ គ្រូពេទ្យភ្នែកអាចព្យាបាល    ឬកែលក្ខខណ្ឌទាំងពីរនេះបាន។

ជំងឺភ្នែកឡើងបាយ

មានតំបន់ពពកដែលវិវឌ្ឍនៅក្នុងកែវភ្នែក។

កញ្ចក់ភ្នែកដែលមានសុខភាពល្អគឺច្បាស់ដូចកញ្ចក់កាមេរ៉ា។ ពន្លឺឆ្លងកាត់វាទៅរេទីនរបស់អ្នក  ដែលជាផ្នែកខាងក្រោយនៃភ្នែករបស់អ្នក    ដែលរូបភាពត្រូវបានដំណើរការ។ នៅពេលអ្នកមានជំងឺភ្នែកឡើងបាយ    ពន្លឺមិនអាចឆ្លងកាត់បានស្រួលទេ។ លទ្ធផល​៖ អ្នកមិនអាចមើលឃើញផងដែរ    ហើយអ្នកអាចកត់សម្គាល់ឃើញពន្លឺចាំង    ឬរង្វង់ពន្លឺនៅជុំវិញពន្លឺនៅពេលយប់។

ជំងឺភ្នែកឡើងបាយជារឿយៗកើតឡើងយឺតៗ។ វាមិនបង្កឱ្យមានអាការដូចជាឈឺចាប់    ក្រហមឬហូរទឹកភ្នែកទេ។

ជំងឺភ្នែកឡើងបាយខ្លះនៅតូច    ហើយមិនប៉ះពាល់ដល់ការមើលឃើញរបស់អ្នកទេ។ ប្រសិនបើពួកវាវិវឌ្ឍ    ហើយប៉ះពាល់ដល់ចក្ខុវិស័យរបស់អ្នក    ការវះកាត់អាចព្យាបាលបាន។

ជំងឺដក់ទឹកក្នុងភ្នែក

ភ្នែករបស់អ្នកប្រៀបដូចជាសំបកកង់៖ ការមានសម្ពាធខ្លះក្នុងភ្នែកគឺជារឿងធម្មតា    និងមានសុវត្ថិភាព។ ប៉ុន្តែកម្រិតសម្ពាធដែលខ្ពស់ពេកអាចបំផ្លាញសរសៃប្រសាទអុបទិករបស់អ្នក។ ជំងឺដក់ទឹកក្នុងភ្នែកគឺជាឈ្មោះសម្រាប់ក្រុមនៃជំងឺដែលបណ្តាលឱ្យមានស្ថានភាពនេះ។

ទម្រង់ធម្មតាមួយគឺជំងឺដក់ទឹកក្នុងមុំបើកបឋម។ មនុស្សភាគច្រើនដែលមានជំងឺនេះមិនមានអាការ    ឬឈឺចាប់ទេ។ ដូច្នេះវាចាំបាច់ក្នុងការតាមដានការពិនិត្យភ្នែកជាប្រចាំ។

វាមិនកើតឡើងញឹកញាប់ទេ     ប៉ុន្តែជំងឺដក់ទឹកក្នុងភ្នែកអាចបណ្តាលមកពី៖

ការព្យាបាលមានទាំងការបន្តក់ភ្នែកតាមវេជ្ជបញ្ជា    ឬការវះកាត់។

ជំងឺរេទីន

រេទីនជាស្រទាប់ស្តើងមួយនៅខាងក្រោយភ្នែករបស់អ្នក    ដែលត្រូវបានបង្កើតឡើងដោយកោសិកាដែលប្រមូលរូបភាព    ហើយបញ្ជូនវាទៅខួរក្បាលរបស់អ្នក។ ជំងឺរេទីនអាចធ្វើឱ្យខូចកោសិការេទីន    និងទប់ស្កាត់ការបញ្ជូនរូបភាព។ ប្រភេទនៃជំងឺរេទីនមាន៖

វាចាំបាច់ក្នុងការធ្វើរោគវិនិច្ឆ័យឱ្យបានទាន់ពេលវេលាហើយត្រូវព្យាបាលជំងឺទាំងនេះ។

ជំងឺភ្នែកក្រហម

ក្នុងលក្ខខណ្ឌនេះ    ជាលិកាដែលស្ថិនៅជួរផ្នែកខាងក្រោយនៃត្របកភ្នែករបស់អ្នក    និងគ្របដណ្តប់លើស្បែករបស់អ្នករលាក។ វាអាចបណ្តាលឱ្យឡើងក្រហម    រមាស់    រលាក     ហៀរទឹកភ្នែក     ឬមានអារម្មណ៍ថាមានអ្វីមួយនៅក្នុងភ្នែករបស់អ្នក។

មនុស្សគ្រប់វ័យអាចកើតជំងឺភ្នែកក្រហម។ មូលហេតុរួមមានការឆ្លងមេរោគ    ការប៉ះពាល់នឹងសារធាតុគីមី    និងការខឹង     ឬអាលែកហ្ស៊ី។

សូមលាងដៃឱ្យបានញឹកញាប់    ដើម្បីកាត់បន្ថយឱកាសក្នុងការកើតវា។

ជំងឺកញ្ចក់ភ្នែក

កញ្ចក់ភ្នែកគឺជាកញ្ចក់ថ្លាមានរាងកោងនៅខាងមុខភ្នែករបស់អ្នក។ វាជួយផ្តោតពន្លឺដែលចូលមកភ្នែក។ ជំងឺ    ការឆ្លងមេរោគ    ការរបួស     និងការប៉ះពាល់នឹងជាតិពុលអាចបំផ្លាញកញ្ចក់ភ្នែក។ សញ្ញាជំងឺកញ្ចក់ភ្នែកមាន៖

វិធីព្យាបាលសំខាន់ៗរួមមាន៖

បញ្ហាត្របកភ្នែក

ត្របកភ្នែករបស់អ្នកធ្វើការបានច្រើនសម្រាប់អ្នក។ ពួកគេការពារភ្នែករបស់អ្នក    រាយទឹកភ្នែកលើផ្ទៃភ្នែក    និងកំណត់បរិមាណពន្លឺដែលអាចចូលបាន។

ការឈឺចាប់    ការរមាស់     ការហៀរទឹកភ្នែក      និងប្រតិកម្មទៅនឹងពន្លឺគឺជាអាការទូទៅនៃបញ្ហាត្របកភ្នែក។ អ្នកក៏អាចកន្រ្តាក់សាច់ដុំភ្នែក    ឬរលាកគែមខាងក្រៅនៅជិតរោមភ្នែករបស់អ្នក។

ការព្យាបាលអាចមានទាំងការសម្អាតត្រឹមត្រូវ     ថ្នាំ      ឬការវះកាត់។

ការផ្លាស់ប្តូរចក្ខុវិស័យ

នៅពេលអ្នកកាន់តែចាស់    អ្នកអាចឃើញថាអ្នកមិនអាចមើលឃើញដូចអ្នកធ្លាប់។ នោះជារឿងធម្មតាទេ។ អ្នកប្រហែលជាត្រូវការវ៉ែនតា     ឬកញ្ចក់ដាក់ក្នុងភ្នែក។ អ្នកអាចជ្រើសរើសធ្វើការវះកាត់ (LASIK) ដើម្បីកែចក្ខុវិស័យរបស់អ្នក។ ប្រសិនបើអ្នកមានវ៉ែនតារួចហើយ     អ្នកប្រហែលជាត្រូវការវេជ្ជបញ្ជាខ្លាំងជាងមុន។

ម្យ៉ាងវិញទៀត     លក្ខខណ្ឌធ្ងន់ធ្ងរជាងនេះក៏កើតឡើងនៅពេលអ្នកមានអាយុច្រើនដែរ។ ជំងឺភ្នែកដូចជា    ការចុះខ្សោយនៃភ្នែក   ជំងឺដក់ទឹកក្នុងភ្នែក     និងជំងឺភ្នែកឡើងបាយអាចបណ្តាលឱ្យមានបញ្ហាភ្នែក។ អាការខុសគ្នាច្រើនក្នុងចំណោមបញ្ហាទាំងនេះ    ដូច្នេះសូមតាមដានការពិនិត្យភ្នែករបស់អ្នក។

ការផ្លាស់ប្តូរចក្ខុវិស័យខ្លះអាចមានគ្រោះថ្នាក់    ហើយត្រូវការការព្យាបាលជាបន្ទាន់។ គ្រប់ពេលដែលអ្នកមានការបាត់បង់ចក្ខុវិស័យភ្លាមៗ    ឬអ្វីៗមើលទៅមិនច្បាស់    ទោះបីវាជាបណ្តោះអាសន្នក៏ដោយ    សូមទៅជួបគ្រូពេទ្យភ្លាមៗ។ សូមទៅបន្ទប់សង្គ្រោះបន្ទាន់     ឬទូរស័ព្ទទៅលេខ ១១៩ (លេខនៅប្រទេសកម្ពុជា) ។

បញ្ហាជាមួយកញ្ចក់ដាក់ក្នុងភ្នែក

ពួកវាធ្វើការបានល្អសម្រាប់មនុស្សជាច្រើន    ប៉ុន្តែអ្នកត្រូវការថែរក្សាពួកវា។ សូមលាងដៃមុនពេលអ្នកប៉ះពួកវា។ សូមអនុវត្តតាមការណែនាំអំពីការថែទាំ    ដែលភ្ជាប់មកជាមួយវេជ្ជបញ្ជារបស់អ្នក។ ហើយអនុវត្តតាមច្បាប់ទាំងនេះ៖

ប្រសិនបើអ្នកធ្វើអ្វីគ្រប់យ៉ាងត្រឹមត្រូវ    ហើយនៅតែមានបញ្ហាជាមួយកញ្ចក់ដាក់ក្នុងភ្នែករបស់អ្នក    សូមទៅជួបគ្រូពេទ្យភ្នែក។ អ្នកប្រហែលជាអាលែកហ្ស៊ី    ស្ងួតភ្នែក    ឬស័ក្តិសមជាមួយវ៉ែនតា។ នៅពេលដែលអ្នកដឹងថាមានបញ្ហាអ្វី   ​អ្នកអាចសម្រេចចិត្តថាអ្វីល្អបំផុតសម្រាប់អ្នក។

Leave a Comment