ការព្យាបាលតាមផ្ទះអាចគ្រប់គ្រាន់ក្នុងការព្យាបាលអាការជំងឺភ្នែកក្រហម   ដែលទាក់ទងនឹងជំងឺផ្តាសាយ    ការឆ្លងមេរោគតិចតួច    ឬអាលែកហ្ស៊ី។ ការព្យាបាលជាចម្បងមានការសំអាតភ្នែកជាមួយទឹកភ្នែកសិប្បនិមិ្មត។ការប្រើក្រណាត់ត្រជាក់ស្អំក៏អាចបន្ថយការឈឺចាប់បានដែរ។

ដើម្បីជួយបំបាត់ភាពមិនស្រួលនៃភ្នែកក្រហម      សូមស្អំក្រណាត់ត្រជាក់រយៈពេល ៥ ទៅ ១០ នាទី ៣ ទៅ ៤ ដងក្នុងមួយថ្ងៃ។ អ្នកអាចប្រើទឹកភ្នែកសិប្បនិម្មិត   ដែលគ្មានសារធាតុរក្សាទុកពីរបីដងក្នុងមួយថ្ងៃ។ សូមកុំប្រើថ្នាំបន្តក់ភ្នែកស្តេរ៉ូអ៊ីត    ឬថ្នាំពីមិត្តភក្តិដោយគ្មានវេជ្ជបញ្ជាពីវេជ្ជបណ្ឌិត។ ហើយត្រូវប្រយ័ត្នប្រយែង កុំចែករំលែកកន្សែង    ឬក្រណាត់ជូតខ្លួនជាមួយអ្នកដទៃ    ដើម្បីកុំឱ្យចម្លងវីរុស    ឬបាក់តេរីភ្នែកក្រហមដែលរីករាលដាលខ្លាំងដល់អ្នកដទៃ។ អ្នកក៏គួរតែប្រយ័ត្នក្នុងការប្រើក្រណាត់         ឬថ្នាំបន្តក់ភ្នែករវាងភ្នែកទាំងពីរ        ដើម្បីកុំឱ្យឆ្លងទៅភ្នែកម្ខាងទៀត។ សូមបោះចោលគ្រឿងសម្អាងភ្នែក    ដែលបានឆ្លងវីរុស    ឬបាក់តេរីបោល។ សូមកុំពាក់កញ្ចក់ភ្នែកដាក់ក្នុងភ្នែក។

ភ្នែកក្រហមដែលរមាស់    និងប៉ះពាល់ដល់ភ្នែកទាំងពីរបង្ហាញថាមានប្រតិកម្ម។ សូមបិទភ្នែក    រួចដាក់ក្រណាត់ត្រជាក់នៅលើភ្នែក     ហើយប្រើថ្នាំបន្តក់ភ្នែកសម្រាប់អាលែកហ្ស៊ី     ឬប្រឆាំងនឹងអ៊ីស្តាមីនដែលគ្មានវេជ្ជបញ្ជាដើម្បីបន្ថយការរមាស់    និងក្រហាយ។ ប្រសិនបើស្ថានភាពនេះកាន់តែធ្ងន់ធ្ងរ    ឬមិនធូរស្បើយក្នុងរយៈពេលពីរបីថ្ងៃទេ    សូមពិគ្រោះជាមួយគ្រូពេទ្យ។ ភាពមិនស្រួលដែលគួរឱ្យកត់សម្គាល់     ការបាត់បង់ចក្ខុវិស័យ      និងមានបញ្ហាតែភ្នែកម្ខាងបង្ហាញពីអាការកាន់តែធ្ងន់ធ្ងរ       ​ដែលចាំបាច់ត្រូវធ្វើការវាយតម្លៃដោយអ្នកថែទាំសុខភាព     ឬគ្រូពេទ្យភ្នែក។

ភ្នែកក្រហមដែលបណ្តាលមកពីវីរុសជាធម្មតាមានរយៈពេលមួយទៅបីសប្តាហ៍។ ដោយសារតែវាមិនបណ្តាលមកពីបាក់តេរី    វាមិនឆ្លើយតបនឹងថ្នាំអង់ទីប្យូទិចទេ។ វាក៏អាចមានការឆ្លងខ្ពស់ផងដែរ។ ប្រសិនបើភ្នែកក្រហមបណ្តាលមកពីវីរុស     ដៃរបស់អ្នកគឺជា “អាវុធ” ដែលនឹងធ្វើឱ្យរាលដាលការឆ្លង។ សូមកុំចែករំលែងកន្សែងពោះគោ    ឬក្រណាត់ជូត។ ទឹកភ្នែកសិប្បនិម្មិតអាចជួយបំបាត់អាការនៃភ្នែកក្រហមដែលបណ្តាលមកពីវីរុសបាន។

ភ្នែកក្រហមដែលបណ្តាលមកពីវីរុស herpes (រោម)  អាចធ្ងន់ធ្ងរណាស់   ហើយអាចត្រូវបានព្យាបាលដោយការប្រើថ្នាំបន្តក់ភ្នែកថ្នាំ      ក្រមួន    ឬថ្នាំគ្រាប់ប្រឆាំងនឹងវីរុស     ។

ចំពោះភ្នែកក្រហមដែលបណ្តាលមកពីបាក់តេរី    ជាធម្មតាគេព្យាបាលដោយថ្នាំបន្តក់ភ្នែក     ឬក្រមួនអង់ទីប្យូទិច។ ជាទូទៅវាលុបបំបាត់អាការក្នុងរយៈពេលពីរបីថ្ងៃ។ ត្រូវប្រាកដថាអ្នកប្រើថ្នាំអង់ទីប្យូទិចឱ្យអស់ក្នុងអំឡុងពេលព្យាបាល។ ចំពោះការឆ្លងមេរោគដែលធ្ងន់ធ្ងរ    ថ្នាំអង់ទីប្យូទិចលេបអាចត្រូវបានចេញវេជ្ជបញ្ជា។ ថ្នាំអង់ទីប្យូទិចលេបត្រូវបានចេញវេជ្ជបញ្ជាសម្រាប់ករណីភ្នែកក្រហមដែលមិនធម្មតា     ដែលបណ្តាលមកពីរោគប្រមេះ     ឬប៉ារ៉ាស៊ីត chlamydia ( ប្រភេទប៉ារ៉ាស៊ីតម្យ៉ាងដែលឆ្លងតាមរយៈការប៉ះពាល់គ្នា    និងតាមដង្ហើម )។ ដៃគូរួមភេទរបស់អ្នកជំងឺគួរតែបានទទួលការព្យាបាលដែរ។ ដូចគ្នានេះផងដែរ    ប្រសិនបើភ្នែកក្រហមមិនបាត់បន្ទាប់ពីមួយខែ    អ្នកអាចត្រូវបានធ្វើតេស្តរកមើលប៉ារ៉ាស៊ីត chlamydia ​(ក្លាមីដៀ)។

ភ្នែកក្រហមដែលបណ្តាលមកពីប្រតិកម្មគួរតែឆ្លើយតបទៅនឹងថ្នាំ vasoconstrictor (ថ្នាំដែលបង្រួមសរសៃឈាម)     ថ្នាំប្រឆាំងនឹងអ៊ីស្តាមីន (antihistamines)       ឬថ្នាំបន្តក់ភ្នែកស្តេរ៉ូអ៊ីត (steroid eye drops) ។ ជាថ្មីម្តងទៀត    កុំប្រើបន្តក់ភ្នែកស្តេរ៉ូអ៊ីតសម្រាប់អាការភ្នែកណាមួយ     ដោយគ្មានវេជ្ជបញ្ជាពីវេជ្ជបណ្ឌិត។