សូមដើររៀងរាល់ថ្ងៃ។ សូមលោកអ្នកអនុវត្តតាមការណែនាំ ដែលគ្រូពេទ្យឬអ្នកឯកទេសខាងស្តារនីតិសម្បទាបេះដូងបានប្រាប់លោកអ្នក។ លោកអ្នកអាចឡើងជណ្តើរបាន លើកលែងតែគ្រូពេទ្យហាមមិនឱ្យឡើង។ 

គ្រូពេទ្យនឹងប្រាប់ឱ្យដឹងថាតើពេលណាទើបលោកអ្នកអាចបើកបរបាន ដែលជាធម្មតាគឺអាចក្នុងរយៈពេលមួយខែ ឬក្រោយពេលវះកាត់ភ្លាម។ វាប្រហែលជាឆាប់ជាងនេះ ប្រសិនបើការវះកាត់នោះតូច។ ប៉ុន្តែលោកអ្នកអាចជិះឡានបាន ដោយក្នុងភាពជាអ្នកដំណើរ។

របបអាហារ

ជម្រើសអាហារដែលផ្តល់សុខភាពល្អអាចជួយឱ្យលោកអ្នកឆាប់ជាសះស្បើយ។ គ្រូពេទ្យនឹងប្រាប់ឱ្យដឹងថាតើលោកអ្នកគួរញ៉ាំ ឬជៀសវាងអ្វីខ្លះ។

លោកអ្នកអាចនឹងគ្មានអារម្មណ៍ចង់ញ៉ាំមួយរយៈបន្ទាប់ពីវះកាត់រួច។ ប៉ុន្តែសូមសាកល្បងញ៉ាំអាហារតិចៗ និងឱ្យបានញឹកញាប់។

ប្រសិនបើក្នុងរយៈពេលពីរបីសប្តាហ៍ទៅហើយ លោកអ្នកនៅមិនទាន់មានអារម្មណ៍ឃ្លានអ្វីទៀត សូមប្រាប់គ្រូពេទ្យ។

សុខុមាលភាពផ្លូវអារម្មណ៍

វាជារឿងធម្មតាបន្ទាប់ពីការវះកាត់រួច លោកអ្នកនឹងមានអារម្មណ៍ព្រួយចិត្ត ឬធ្លាក់ទឹកចិត្ត ប៉ុន្តែអារម្មណ៍ទាំងនេះនឹងរសាយ បន្ទាប់ពីពីរបីសប្តាហ៍ដំបូងកន្លងទៅ។ ប្រសិនបើមិនបាត់ សូមលោកអ្នកទៅពិគ្រោះជាមួយគ្រូពេទ្យអំពីបញ្ហានេះ។

ដើម្បីរក្សាស្មារតី លោកអ្នកត្រូវ ៖