លក្ខខណ្ឌ
ការយកចិត្តទុកដាក់តាមដានជំងឺលើសឈាម
ធាតុសំខាន់បំផុតក្នុងការគ្រប់គ្រងសម្ពាធឈាមខ្ពស់ (លើសឈាម) គឺការយកចិត្តទុកដាក់តាមដាន។
- ១. ត្រួតពិនិត្យជាមួយអ្នកផ្តល់សេវាថែទាំសុខភាពរបស់លោកអ្នកឱ្យបានទៀងទាត់ ដើម្បីឱ្យប្រាកដថាសម្ពាធឈាមរបស់លោកអ្នកស្ថិតនៅក្នុងកម្រិតដែលបានណែនាំ។ បើមិនដូច្នោះទេ លោកអ្នកគួរកែតម្រូវការព្យាបាល។ តាមការពិត អ្នកជំងឺដែលមានសម្ពាធឈាមខ្ពស់គួរតែទៅជួបអ្នកផ្តល់សេវាថែទាំសុខភាព យ៉ាងហោចណាស់ម្តងក្នុងមួយឆ្នាំ និងញឹកញាប់ជាងនេះ ក្នុងអំឡុងដំណាក់កាលកែសម្រួលថ្នាំ។
- ២. ប្រសិនបើលោកអ្នកមានជំងឺទឹកនោមផ្អែម ឬធ្លាប់មានជំងឺគាំងបេះដូង ឬដាច់សរសៃឈាមខួរក្បាល លោកអ្នកត្រូវត្រួតពិនិត្យសម្ពាធឈាមរបស់លោកអ្នកឱ្យតឹងរឹងជាងមុន ដើម្បីការពារកុំឱ្យជំងឺត្រលប់មកវិញ។ សូមពិភាក្សាជាមួយគ្រូពេទ្យថាតើលោកអ្នកគួរមានសម្ពាធឈាមប៉ុន្មាន ដើមី្បការពារខ្លួនពីជំងឺ។
- ៣. សម្ពាធឈាមស៊ីស្តូលីក (systolic) របស់លោកអ្នកអាចនឹងឡើង ទៅតាមអាយុ និងដំណើរវិវឌ្ឍនៃសរសៃឈាមក្រហមឡើងរឹង។ ការព្យាបាលដែលធ្លាប់ធ្វើកន្លងមក អាចនឹងលែងមានប្រសិទ្ធភាព។ កម្រិតថ្នាំរបស់លោកអ្នកប្រហែលជាត្រូវផ្លាស់ប្តូរ ឬគ្រូពេទ្យអាចនឹងចេញវេជ្ជបញ្ជាថ្នាំថ្មីឱ្យលោកអ្នក។
- ៤. នៅពេលដែលលោកអ្នកទៅតាមដានសុខភាព លោកអ្នកគួរតែត្រួតពិនិត្យ ទៅតាមកាលៈទេសៈ ដើមី្បរកមើលការខូចខាតបេះដូង ភ្នែក ខួរក្បាល តម្រងនោម និងសរសៃឈាមខាងក្រៅ (peripheral arteries) ដែលទាក់ទងនឹងជំងឺលើសឈាម។
- ៥. ការបន្តជួបជាមួយអ្នកផ្តល់សេវាថែទាំសុខភាព ជារឿងល្អ ដើម្បីឱ្យគាត់ដឹងពីឥទ្ធិលថ្នាំដែលលោកអ្នកកំពុងប្រើ មកលើខ្លួនលោកអ្នក។ អ្នកផ្តល់សេវាថែទាំសុខភាពនឹងផ្តល់ការណែនាំសម្រាប់ដោះស្រាយផលប៉ះពាល់ ឬអាចផ្លាស់ប្តូរការព្យាបាលចំពោះរូបលោកអ្នក។
- ៥. ការបន្តជួបជាមួយអ្នកផ្តល់សេវាថែទាំសុខភាព ជារឿងល្អ ដើម្បីឱ្យគាត់ដឹងពីឥទ្ធិលថ្នាំដែលលោកអ្នកកំពុងប្រើ មកលើខ្លួនលោកអ្នក។ អ្នកផ្តល់សេវាថែទាំសុខភាពនឹងផ្តល់ការណែនាំសម្រាប់ដោះស្រាយផលប៉ះពាល់ ឬអាចផ្លាស់ប្តូរការព្យាបាលចំពោះរូបលោកអ្នក។
Translate by Chakriya Phou
