លក្ខខណ្ឌ
ជំងឺសម្ពាធឈាមខ្ពស់ និង Angiotensin II Receptor Blockers (ARBs)
ថ្នាំ Angiotensin II Receptor Blockers (ARBs) មានឥទ្ធិពលប្រហាក់ប្រហែលនឹងថ្នាំ ACE inhibitors ដែលជាថ្នាំព្យាបាលសម្ពាធឈាមប្រភេទមួយផ្សេងទៀត តែដំណើរការដោយយន្តការផ្សេង។ ថ្នាំទាំងនេះរារាំងប្រសិទ្ធភាពនៃថ្នាំ angiotensin II ដែលជាសារធាតុគីមីធ្វើឱ្យសរសៃឈាមតូច។ តាមរយៈការធ្វើដូច្នេះ ថ្នាំទាំងនោះជួយពង្រីកសរសៃឈាម ដើម្បីឱ្យឈាមអាចហូរបានស្រួល ដែលធ្វើឱ្យសម្ពាធឈាមចុះទាប។ ជាទូទៅថ្នាំ ARBs ត្រូវបានចេញវេជ្ជបញ្ជាឱ្យប្រើសម្រាប់អ្នកដែលមិនអាចទ្រាំទ្រនឹងថ្នាំ ACE inhibitors។
ឧទាហរណ៍នៃ ARBs រួមមាន៖
- Atacand (candesartan)
- Atacand (candesartan)
- Benicar (olmesartan)
- Cozaar (losartan)
- Diovan (valsartan)
- Micardis (telmisartan)
- Teveten (eprosartan)
តើថ្នាំនេះមានផលប៉ះពាល់អ្វីខ្លះ?
ផលប៉ះពាល់មួយចំនួនពេលលេបថ្នាំ ARB រួមមាន៖
- វិលមុខ, ឈឺក្បាលតិចៗ, ឬដួលសន្លប់ពេលកំពុងក្រោកឡើង ៖ ផលប៉ះពាល់នេះអាចនឹងខ្លាំង បន្ទាប់ពីលេបលើកដំបូង ជាពិសេសប្រសិនបើលោកអ្នកមានប្រើថ្នាំបញ្ចុះទឹកនោម diuretic (ប្រភេទថ្នាំទឹក)។ សូមទាក់ទងគ្រូពេទ្យ ប្រសិនបើអាការទាំងនេះនៅតែបន្តមាន ឬធ្ងន់ធ្ងរ។
- បញ្ហារាងកាយ ៖ រាករូស, រមួលក្រពើឬខ្សោយសាច់ដុំ, ឈឺខ្នងឬជើង, គេងមិនលក់ (ពិបាកគេង), ចង្វាក់បេះដូងលោតមិនទៀងទាត់, ឬបេះដូងលោតលឿនឬយឺត, រោគក្នុងប្រហោងឆ្អឹងក្បាលឬរោគផ្លូវដង្ហើមផ្នែកខាងលើ។ សូមទាក់ទងគ្រូពេទ្យ ប្រសិនបើអាការទាំងនេះនៅតែបន្តមាន ឬធ្ងន់ធ្ងរ។
- វិលមុខ, ឈឺក្បាលតិចៗ, ឬដួលសន្លប់ពេលកំពុងក្រោកឡើង ៖ ផលប៉ះពាល់នេះអាចនឹងខ្លាំង បន្ទាប់ពីលេបលើកដំបូង ជាពិសេសប្រសិនបើលោកអ្នកមានប្រើថ្នាំបញ្ចុះទឹកនោម diuretic (ប្រភេទថ្នាំទឹក)។ សូមទាក់ទងគ្រូពេទ្យ ប្រសិនបើអាការទាំងនេះនៅតែបន្តមាន ឬធ្ងន់ធ្ងរ។
- ក្អួត ឬរាកធ្ងន់ធ្ងរ ៖ ប្រសិនបើលោកអ្នកឈឺដោយក្អួតឬរាកខ្លាំង អ្នកអាចនឹងខ្វះជាតិទឹក (dehydrated) ដែលឈាននាំឱ្យមានសម្ពាធឈាមទាប។ សូមទាក់ទងជាមួយគ្រូពេទ្យ។
- ភាពមិនប្រក្រតីក្នុងការត្រួតពិនិត្យឈាមនៅមន្ទីរពិសោធគីមី (Abnormalities in blood chemistry laboratory tests )។
- ក្អក ៖ ទោះយ៉ាងណារាងក្អកតិចជាងប្រើថ្នាំព្យាបាល ACE inhibitors។
សូមទាក់ទងគ្រូពេទ្យរបស់លោកអ្នក បើសិនលោកអ្នកមានអាការដទៃទៀតដែលបង្កការព្រួយបារម្ភ។
គោលការណ៍ណែនាំសម្រាប់ការលេបថ្នាំ ARBs
- លោកអ្នកអាចលេប ARBs ពេលពោះទទេឬឆ្អែត។ ត្រូវអនុវត្តតាមការណែនាំលើស្លាកពីរបៀបប្រើថ្នាំ។ ចំនួនថ្នាំដែលលោកអ្នកលេបរាល់ថ្ងៃ ពេលវេលាចន្លោះការលេបថ្នាំម្តងៗ និងរយៈពេលដែលលោកអ្នកត្រូវការលេបថ្នាំ គឺអាស្រ័យលើប្រភេទថ្នាំ ARB ដែលបានចេញវេជ្ជបញ្ជា ក៏ដូចជាអាស្រ័យស្ថានភាពរបស់លោកអ្នក។ សម្គាល់ ៖ លោកអ្នកអាចចំណាយពេលច្រើនសប្តាហ៍ ដើម្បីទទួលអារម្មណ៍ដឹងពីផលប៉ះពាល់នៃថ្នាំ។
- ខណៈប្រើថ្នាំនេះ សូមត្រួតពិនិត្យសម្ពាធឈាម និងមុខងារតម្រងនោមជាប្រចាំតាមការណែនាំរបស់គ្រូពេទ្យ។
Translate by Chakriya Phou
