គន្លឹះ ១០ យ៉ាងដែលត្រូវធ្វើ ប្រសិនបើអ្នកចង់មានផ្ទៃពោះ

អ្នកប្រហែលជាមិនទាន់មានផ្ទៃពោះនៅឡើយទេ    ប៉ុន្តែចាប់ពីពេលនេះទៅមានវិធីជាច្រើនដែលអ្នកអាចធ្វើ ដើម្បីធ្វើឱ្យខ្លួនអ្នកមានសុខភាពល្អតាមដែលអាចធ្វើទៅបាន   សម្រាប់ការលូតលាស់របស់ទារក។ សូមពិចារណាលើបញ្ជីការងារដែលត្រូវធ្វើមុនពេលមានផ្ទៃពោះ។

១​. ធ្វើការណាត់ជួបជាមួយគ្រូពេទ្យ៖

វាពិតណាស់ដែលអ្នកនឹងជួបគ្រូពេទ្យច្រើនដង    បន្ទាប់ពីអ្នកមានផ្ទៃពោះ     ប៉ុន្តែវាក៏ជាគំនិតល្អក្នុងការណាត់ជួបជាមុនផងដែរ    ទោះបីអ្នកធ្លាប់មានផ្ទៃពោះពីមុនក៏ដោយ។ ប្រសិនបើអ្នកមានបញ្ហាសុខភាពណាមួយ    ដែលអាចប៉ះពាល់ដល់ឱកាសនៃការមានគភ៌    ឬដែលអាចធ្វើឱ្យការមានផ្ទៃពោះមានគ្រោះថ្នាក់    វាសំខាន់ណាស់ក្នុងការគ្រប់គ្រងបញ្ហាទាំងនេះជាមុន។

ប្រសិនបើសមាជិកនៅក្នុងគ្រួសារអ្នក    ឬសមាជិកក្នុងគ្រួសារដៃគូរបស់អ្នកមានជំងឺដូចជាជំងឺរលាកទងសួត    ឬជំងឺកោសិកាឈាមក្រហមមានរាងកណ្តៀវ     អ្នកប្រហែលចង់ធ្វើតេស្តពិនិត្យមុនពេលមានផ្ទៃពោះ។

. ពិនិត្យអញ្ចាញធ្មេញរបស់អ្នក៖

វាមានទំនាក់ទំនងរវាងសុខភាពមាត់ធ្មេញល្អ    និងការមានផ្ទៃពោះប្រកបដោយសុខភាពល្អ។ ជំងឺអញ្ចាញធ្មេញផ្សារភ្ជាប់ទៅនឹងការសម្រាលមិនគ្រប់ខែ    និងទារកមិនគ្រប់ទម្ងន់។ ដូច្នេះដល់ពេលដែលត្រូវទៅជួបទន្តពេទ្យ    ដើម្បីដោះស្រាយរាល់បញ្ហាសុខភាពមាត់ធ្មេញហើយ។

. បញ្ឈប់ការជក់បារី    និងការទទួលទានគ្រឿងស្រវឹង៖

អ្នកប្រហែលជាដឹងរួចហើយថាថ្នាំជក់    និងគ្រឿងស្រវឹងក្នុងពេលមានផ្ទៃពោះអាចបង្កបញ្ហា។ ពួកវាមិនល្អសម្រាប់ការលូតលាស់របស់ទារក    និងអាចបង្កបញ្ហាសុខភាពដល់ពួកគេ    នៅពេលពួកគេធំឡើង។

ប៉ុន្តែសូម្បីតែមុនពេលមានផ្ទៃពោះ    ការជក់បារី    និងការទទួលទានគ្រឿងស្រវឹងអាចធ្វើឱ្យពិបាកមានផ្ទៃពោះ    និងបង្កើនអត្រានៃការរលូតកូន។ សូមពិគ្រោះជាមួយវេជ្ជបណ្ឌិតអំពីកម្មវិធីដែលអាចជួយអ្នកឱ្យបោះបង់ទម្លាប់ទាំងនេះបាន។

.កាត់បន្ថយការទទួលទានជាតិកាហ្វេអ៊ីន៖

ការទទួលទានកាហ្វេច្រើនជាង ២ ពែង   ឬទឹកក្រូចច្រើនជាង ៥ កំប៉ុងក្នុងមួយថ្ងៃ ( ជាតិកាហ្វេអ៊ីនប្រហែល ២៥០ មីលីក្រាម ) អាចធ្វើឱ្យអ្នកពិបាកមានផ្ទៃពោះ    និងបង្កើនឱកាសដែលអ្នកនឹងរលូតកូន។

ការផ្លាស់ប្តូរទៅទទួលទានភេសជ្ជៈគ្មានជាតិកាហ្វេអ៊ីនពីឥឡូវមានអត្ថប្រយោជន៍មួយផ្សេងទៀត៖ អ្នកនឹងមិនចាំបាច់ទ្រាំនឹងការឃ្លានជាតិកាហ្វេអ៊ីន    ក្នុងអំឡុងពេលប៉ុន្មានសប្តាហ៍ដំបូងនៃការមានផ្ទៃពោះឡើយ។

. បរិភោគឆ្លាត៖

មិនមានពេលវេលាណាល្អជាងពេលនេះក្នុងការកាត់ផ្តាច់អាហារ   ដែលមានតែកាឡូរីតែគ្មានសារធាតុចិញ្ចឹមនោះទេ។ ត្រូវប្រាកដថាអ្នកទទួលទានផ្លែឈើ    បន្លែ     គ្រាប់ធញ្ញជាតិ    និងប្រូតេអ៊ីនគ្មានខ្លាញ់ជារៀងរាល់ថ្ងៃ។

របបអាហារដែលល្អចំពោះសុខភាពមុនពេលមានផ្ទៃពោះអាចធ្វើឱ្យអ្នកមិនសូវមានជំងឺទឹកនោមផ្អែមពេលមានគភ៌    ដែលជាប្រភេទជំងឺមួយដែលប៉ះពាល់ដល់ស្ត្រីមានផ្ទៃពោះ។

. បញ្ចុះទម្ងន់៖

ការលើសទម្ងន់អាចបង្កើនបញ្ហាដូចជា៖ ជំងឺទឹកនោមផ្អែមពេលមានគភ៌    និងជំងឺលើសសម្ពាធឈាមអំឡុងពេលមានផ្ទៃពោះ     ដែលជាលក្ខខណ្ឌត្រូវបានគេហៅថាជំងឺបម្រុងក្រឡាភ្លើង។

ជាទូទៅវាមិនមែនជាគំនិតល្អក្នុងការបញ្ចុះទម្ងន់ក្នុងពេលមានផ្ទៃពោះនោះទេ    ដូច្នេះប្រសិនបើអ្នកចង់ស្រកទម្ងន់    សូមចាប់ផ្តើមមុនពេលមានផ្ទៃពោះ។

. ចាក់វ៉ាក់សាំង៖

ជំងឺមួយចំនួនក្នុងអំឡុងពេលមានផ្ទៃពោះអាចបណ្តាលឱ្យមានបញ្ហាច្រើនជាងធ្វើឱ្យអ្នកពិបាកចិត្ត។ ជំងឺទាំងនេះអាចធ្វើបាបកូនអ្នក។ សូមពិគ្រោះជាមួយវេជ្ជបណ្ឌិតអំពីវ៉ាក់សាំង  ដែលអ្នកត្រូវការមុនពេលមានផ្ទៃពោះ    និងវ៉ាក់សាំងដែលអ្នកនឹងត្រូវការនៅពេលក្រោយ។

គ្រូពេទ្យចាក់ថ្នាំបង្ការមួយចំនួនអំឡុងពេលមានផ្ទៃពោះដូចជា   វ៉ាក់សាំង Tdap សម្រាប់ជំងឺក្អកមាន់    ដូច្នេះកូនរបស់អ្នកអាចទទួលបានអត្ថប្រយោជន៍ពីការការពារផងដែរ។

. គិតអំពីថ្នាំដែលអ្នកលេប៖

វាចាំបាច់ក្នុងការប្រាប់គ្រូពេទ្យឱ្យដឹងអំពីថ្នាំទាំងអស់ដែលអ្នកកំពុងប្រើដូចជា៖ ថ្នាំតាមវេជ្ជបញ្ជា    ថ្នាំទិញពីបញ្ជរ    វីតាមីនចម្រុះ       និងឱសថពីរុក្ខជាតិ។ ថ្នាំមួយចំនួនក្នុងចំំណោមថ្នាំទាំំងនេះអាចប៉ះពាល់ដល់កូនអ្នក។

ដល់ពេលត្រូវចាប់ផ្តើមលេបវីតាមីនចម្រុះសម្រាប់ស្រ្តីមានផ្ទៃពោះ    ឬថ្នាំបំប៉នអាស៊ីតហ្វូលិកហើយ     ដើម្បីកាត់បន្ថយហានិភ័យនៃពិការភាពពីកំណើត។

. ជ្រើសរើសម្ហូបសមុទ្រ៖

អ្នកប្រហែលជាធ្លាប់ឮហើយថា  វាជាការវៃឆ្លាតក្នុងការជៀសវាងត្រីដែលមានសារធាតុបារ៉តខ្ពស់នៅពេលអ្នកមានផ្ទៃពោះ។ ប៉ុន្តែវាអាចចំណាយពេលមួយឆ្នាំសម្រាប់រាងកាយ ដើម្បីបំបាត់សារធាតុបារ៉តចេញពីឈាមរបស់អ្នក។

ការទទួលទានត្រីពីរដងក្នុងមួយសប្តាហ៍គឺល្អ   ប៉ុន្តែត្រូវជៀសវាងប្រភេទដែលមានសារធាតុបារ៉តខ្ពស់ដូចជា៖ ត្រីចំពុះដាវ     ត្រី tilefish      ត្រី king mackerel     និងត្រីឆ្លាម។

១០. ហាត់ប្រាណ៖

ការធ្វើលំហាត់ប្រាណមិនត្រឹមតែជួយឱ្យអ្នកមានទម្ងន់   ដែលល្អចំពោះសុខភាពប៉ុណ្ណោះទេ    ប៉ុន្តែវាក៏នឹងធ្វើឱ្យអ្នកមានសុខភាពមាំមួនសម្រាប់ការសម្រាលកូនដែរ។ នៅពេលដែលអ្នកមានផ្ទៃពោះ    សូមរកមើលថ្នាក់ហាត់ប្រាណពិសេសដែលមានសុវត្ថិភាពសម្រាប់ស្រ្តីមានផ្ទៃពោះ។

Leave a Comment