តើខ្ញុំអាចបង្កើនឱកាសនៃការមានកូនដែលមានសុខភាពល្អបានយ៉ាងដូចម្តេច?

ការត្រួតពិនិត្យ    និងការពិគ្រោះយោបល់ជាមុន៖ នៅពេលដែលអ្នកសម្រេចថាអ្នកបានត្រៀមខ្លួនរួចជាស្រេចដើម្បីមានកូន   សូមអនុវត្តតាមជំហានខាងក្រោមមុនពេលអ្នកមានផ្ទៃពោះ។

ទៅជួបគ្រូពេទ្យ៖ សូមពិនិត្យសុខភាពដើម្បីប្រាកដថាអ្នកបានត្រៀមខ្លួនរួចរាល់    សម្រាប់ការមានផ្ទៃពោះទាំងផ្លូវកាយ    និងផ្លូវអារម្មណ៍។

សូមធ្វើការថែទាំអំឡុងមានផ្ទៃពោះឱ្យបានឆាប់    និងទៀងទាត់។ រយៈពេល ៨ សប្តាហ៍ដំបូងនៃការមានផ្ទៃពោះគឺមានសារសំខាន់ចំពោះការលូតលាស់របស់កូនអ្នក។ ការថែទាំអំឡុងមានផ្ទៃពោះឆាប់    និងទៀងទាត់អាចជួយបង្កើនឱកាសនៃការមានផ្ទៃពោះប្រកបដោយសុវត្ថិភាព    និងទារកមានសុខភាពល្អ។ ការថែទាំអំឡុងមានផ្ទៃពោះរួមមាន៖ ការឆ្លុះពិនិត្យ    ការពិនិត្យទៀងទាត់    ការអប់រំស្តីពីការមានផ្ទៃពោះ    និងការសម្រាលកូន      ការប្រឹក្សា    និងការគាំទ្រ។

ការធ្វើការថែទាំអំឡុងមានផ្ទៃពោះក៏ផ្តល់ការការពារបន្ថែមដល់ស្ត្រីដែលមានអាយុលើសពី ៣៥ ឆ្នាំផងដែរ។ វាអនុញ្ញាតឱ្យវេជ្ជបណ្ឌិតរបស់អ្នកស្ថិតនៅលើកំពូលនៃស្ថានភាពសុខភាព    ដែលកើតមានជាទូទៅក្នុងចំណោមស្ត្រីដែលមានអាយុច្រើន       នៅពេលពួកគេមានផ្ទៃពោះ។ឧទាហរណ៍   អាយុរបស់អ្នកអាចបង្កើនហានិភ័យក្នុងការកើតជំងឺទឹកនោមផ្អែមពេលមានគភ៌    និងជំងឺបម្រុងក្រឡាភ្លើង     ដែលជាលក្ខខណ្ឌមួយដែលបណ្តាលឱ្យ មានជំងឺលើសសម្ពាធឈាម    រួមជាមួយនឹងការមានប្រូតេអ៊ីននៅក្នុងទឹកនោម។ ក្នុងអំឡុងពេលមានផ្ទៃពោះ    គ្រូពេទ្យនឹងពិនិត្យសម្ពាធឈាម    ធ្វើតេស្តទឹកនោមដើម្បីរកប្រូតេអ៊ីន   និងជាតិស្ករ     និងធ្វើតេស្តកម្រិតជាតិស្ករក្នុងឈាមរបស់អ្នក     ដែលអាចឱ្យគ្រូពេទ្យប្រទះ    និងព្យាបាលបញ្ហាបានឆាប់។

សូមពិចារណាលើជម្រើសនៃការធ្វើតេស្តសម្រាប់ស្ត្រី    ដែលមានអាយុលើសពី ៣៥ ឆ្នាំ។ វេជ្ជបណ្ឌិតអាចឱ្យធ្វើតេស្តអំឡុងពេលមានផ្ទៃពោះ    ដែលល្អសម្រាប់ម្តាយដែលមានអាយុច្រើន។ តេស្តទាំងនេះអាចជួយគណនាឃើញ    ប្រសិនបើទារកទំនងជាមានពិការភាពពីកំណើត។ សូមសួរគ្រូពេទ្យអំពីការធ្វើតេស្តទាំងនេះ    ដូច្នេះអ្នកអាចសិក្សាពីហានិភ័យ    និងគុណប្រយោជន៍    និងសម្រេចចិត្តថាតើអ្វីដែលសមនឹងអ្នក។

សូមទទួលទានវីតាមីនសម្រុះសម្រាប់ស្រ្តីមានផ្ទៃពោះ។ ស្ត្រីគ្រប់រូបដែលដល់វ័យអាចមានគភ៌គួរទទួលទានវីតាមីនសម្រុះសម្រាប់ស្រ្តីមានផ្ទៃពោះ  និងអាស៊ីតហ្វូលិកយ៉ាងហោចណាស់ ៤០០ មីក្រូក្រាមជារៀងរាល់ថ្ងៃ។ ការទទួលទានជាតិអាស៊ីតហ្វូលិកគ្រប់គ្រាន់ជារៀងរាល់ថ្ងៃមុន    និងអំឡុងពេល ៣ ខែដំបូងនៃការមានគភ៌អាចជួយការពារពិការភាពក្នុងខួរក្បាល    និងខួរឆ្អឹងខ្នងរបស់កូនអ្នក។ ការទទួលទានអាស៊ីតហ្វូលិកបន្ថែមការការពារដល់ស្រ្តីដែលមានអាយុច្រើន    ដែលងាយនឹងមានកូនដែលមានពិការភាពពីកំណើត។ វីតាមីនសម្រុះសម្រាប់ស្រ្តីមានផ្ទៃពោះខ្លះមានអាស៊ីតហ្វូលិក ៨០០-១,០០០ មីក្រូក្រាម។ វានៅតែមានសុវត្ថិភាពក្នុងពេលមានផ្ទៃពោះ។ តាមពិតស្ត្រីខ្លះត្រូវការអាស៊ីតហ្វូលិកច្រើនជាង ៤០០ មីក្រូក្រាម     ដើម្បីការពារប្រឆាំងនឹងពិការភាពពីកំណើត។ សូមកុំទទួលទានអាស៊ីតហ្វូលិកលើសពី ១.០០០ មីក្រូក្រាម (១ មីលីក្រាម) ដោយមិនបានពិគ្រោះជាមួយគ្រូពេទ្យ។ ស្ត្រីដែលមានប្រវត្ដិពីកុមារ    ដែលមានពិការភាពបំពង់សរសៃប្រសាទត្រូវការអាស៊ីតហ្វូលិក ៤000 មីក្រូក្រាម (mcg) ។

តើខ្ញុំអាចកាត់បន្ថយហានិភ័យសម្រាប់ការមានផ្ទៃពោះបានយ៉ាងដូចម្តេច?

អ្នកសមនឹងទទួលបានការថែទាំ (TLC) ដូចគ្នានឹងកូនរបស់អ្នកដែរ។ ការថែរក្សាខ្លួននឹងជួយអ្នកក្នុងការគ្រប់គ្រងបញ្ហាសុខភាពដែលមានស្រាប់    និងការពារអ្នកពីជំងឺទឹកនោមផ្អែមពេលមានគភ៌    និងជំងឺលើសសម្ពាធឈាម។ អ្នកកាន់តែមានសុខភាពល្អ    វានឹងកាន់ល្អ សម្រាប់កូនតូចរបស់អ្នក។

សូមទៅតាមការណាត់ជួបដទៃទៀតជាមួយគ្រូពេទ្យ។ ប្រសិនបើអ្នកមានបញ្ហាសុខភាពរ៉ាំរ៉ៃដូចជា៖ ជំងឺទឹកនោមផ្អែម    ឬជំងឺលើសសម្ពាធឈាម     សូមកុំរំលងការទៅជួបគ្រូពេទ្យជាប្រចាំ។ ការគ្រប់គ្រងស្ថានភាពរបស់អ្នកមុនពេលមានផ្ទៃពោះនឹងធ្វើឱ្យអ្នក    និងកូនរបស់អ្នកមានសុខភាពល្អ។ សូមទៅជួបពេទ្យធ្មេញសម្រាប់ការពិនិត្យ    និងការសម្អាតជាប្រចាំផង។ ការមានធ្មេញ    និងអញ្ចាញធ្មេញដែលមានសុខភាពល្អជួយកាត់បន្ថយការកើតកូនមិនគ្រប់ខែ    និងការមានកូនមិនគ្រប់ទម្ងន់។