ព័ត៌មានជំនួយសម្រាប់សប្តាហ៍នេះ៖ អ្នកនឹងចង់កំណត់ពេលណាត់ជួបជាមួយគ្រូពេទ្យរោគស្រ្តីភ្លាម    នៅពេលដែលអ្នកសង្ស័យថាអ្នកមានផ្ទៃពោះ។ ការចាប់ផ្តើមធ្វើការថែទាំអំឡុងពេលមានផ្ទៃពោះឆាប់     និងការទៅជួបគ្រូពេទ្យតាមការណាត់គឺជាជំហានដ៏ធំឆ្ពោះទៅរកការមានផ្ទៃពោះ    និងទារកមានសុខភាពល្អ។

សប្តាហ៍ទី ៦

ទារក៖ កូនរបស់អ្នកមានរាងដូចកូនក្អុក    ហើយវាមានទំហំប៉ុនកូនគ្រាប់កាំភ្លើងជ័រ។ ភ្នែក    និងពន្លកដៃជើងកំពុងលូតលាស់។ ក្នុងអំឡុងពេលនៃការឆ្លុះអេកូ    គ្រូពេទ្យប្រហែលជាអាចស្តាប់ចង្វាក់បេះដូង។ នៅចន្លោះថ្ងៃទី ១៧ និង ៥៦ គឺជាពេលវេលាងាយរងគ្រោះព្រោះនោះជាពេលដែលទារកងាយនឹងទទួលយកអ្វី    ដែលអាចប៉ះពាល់ដល់ការលូតលាស់ធម្មតា។

ម្តាយ៖ អ្នកប្រហែលជាបានឡើងទម្ងន់ពីរបីផោនហើយ។ ឬប្រសិនបើអ្នកចាញ់កូន     អ្នកអាចស្រកទម្ងន់     នោះជារឿងធម្មតាទេ។ អ្នកអាចចាប់ផ្តើមកត់សម្គាល់ការផ្លាស់ប្តូរខ្លះនៅក្នុងខ្លួនរបស់អ្នក៖ សម្លៀកបំពាក់មានសភាពតឹងណែនបន្តិចនៅជុំវិញចង្កេះ    ជើង    និងដើមទ្រូង។ ជាមួយនឹងការពិនិត្យអាងត្រគាក    គ្រូពេទ្យនឹងសម្គាល់ឃើញការផ្លាស់ប្តូរទំហំស្បូនរបស់អ្នក។

ព័ត៌មានជំនួយសម្រាប់សប្តាហ៍នេះ៖ សូមអនុវត្តទម្លាប់ល្អក្នុងពេលមានផ្ទៃពោះជារៀងរាល់ថ្ងៃដូចជា៖ ការញ៉ាំអាហារដែលល្អចំពោះសុខភាព និងលេបវីតាមីនចម្រុះសម្រាប់ស្រ្តីមានផ្ទៃពោះ។ ប្រសិនបើអ្នកមិនទាន់បញ្ឈប់     សូមបញ្ឈប់ការជក់បារី     និងការទទួលទានគ្រឿងស្រវឹង។

សប្តាហ៍ទី ៧

ទារក៖ កូនរបស់អ្នកកំពុងតែលូតលាស់។ ពន្លកអវយវៈលេចឡើងដែលនឹងលូតលាស់ទៅជាដៃ    និងជើង។ ផ្នែកជាច្រើនបន្តវិវឌ្ឍដូចជា៖ បេះដូង    សួត     ពោះវៀន     ខ្នែងពោះវៀន    ខួរក្បាល      ខួរឆ្អឹងខ្នង     រន្ធច្រមុះ     មាត់     និងភ្នែក។

ម្តាយ៖ អ្នកនៅតែមិនទាន់ “បង្ហាញ” ប៉ុន្តែពេលនេះអ្នកពិតជាមានអារម្មណ៍ផ្លាស់ប្តូរនៅក្នុងខ្លួនអ្នកហើយ។ អ្នកអាចនៅចាញ់កូន    ហើយសុដន់អ្នកប្រហែលជានៅឈឺ    និង​សង្កៀរ។

ព័ត៌មានជំនួយសម្រាប់សប្តាហ៍នេះ៖ សូមកុំទុកឱ្យក្រពះរបស់អ្នកនៅទទេ ដែលនឹងជួយអ្នកពីការចង់ក្អួត។ សូមមានអាហារសម្រន់នៅជិតដៃរាល់ពេល       ហើយទទួលទានអាហារតិចតួចជាជាងអាហារចម្បងទាំងបី។ ដើម្បីបងា្ករការធ្លាក់ចុះជាតិស្ករក្នុងឈាម     សូមបរិភោគប្រូតេអ៊ីនមួយចំនួនដូចជាការបន្ថែមឈីសលើនំស្រួយ។

សប្តាហ៍ទី ៨

ទារក៖ ទារករបស់អ្នកជិតដល់សប្តាហ៍ទី ៦ នៃការវិវឌ្ឍហើយ។ វាជាសប្តាហ៍ដ៏ធំមួយសម្រាប់ការលូតលាស់។ ត្របកភ្នែក    និងត្រចៀកកំពុងលេចចេញជារូបរាង។ កូនរបស់អ្នកមានម្រាមដៃ    និងម្រាមជើងតូចៗ     ហើយថែមទាំងអាចហែលនៅក្នុងស្បូនបានទៀតផង។

ម្តាយ៖ បរិមាណឈាមរបស់អ្នកកំពុងតែកើនឡើង    ហើយបេះដូងអ្នកកំពុងច្របាច់ឈាម ៥០ ភាគរយបន្ថែមទៀតក្នុងមួយនាទីសម្រាប់ទារកអ្នក។ អាការទូទៅសម្រាប់សប្តាហ៍នេះគឺអារម្មណ៍មិនល្អ    និងចាញ់ក្លិនមួយចំនួន។

ព័ត៌មានជំនួយសម្រាប់សប្តាហ៍នេះ៖ សូមពាក់អាវទ្រនាប់ទ្រទម្ងន់។ ការទ្រទ្រង់សុដន់បានល្អក្នុងពេលមានផ្ទៃពោះនឹងជួយឱ្យអ្នកមានអារម្មណ៍ស្រួលជាងមុន     និងការពារកុំឱ្យមានការយារសុដន់នាពេលអនាគត។ ការធ្វើលំហាត់ប្រាណដើម្បីឱ្យសាច់ដុំទ្រូងរបស់អ្នករឹងមាំអាចមានប្រយោជន៍ផងដែរ។

តើមានអ្វីកើតឡើងនៅក្នុងខ្លួនអ្នក?

មុខមាត់របស់កូនអ្នកនៅតែបន្តវិវឌ្ឍ។ ត្រចៀកនីមួយៗចាប់ផ្តើមជាស្បែកផ្នត់បន្តិចនៅផ្នែកម្ខាងនៃក្បាល។ ពន្លកតូចៗដែលនៅទីបំផុតដុះទៅជាដៃ    និងជើងកំពុងលេញចេញជារូបរាង។ ម្រាមដៃ    និងម្រាមជើងក៏អីចឹងដែរ។

បំពង់សរសៃប្រសាទ ( ខួរក្បាល    ខួរឆ្អឹងខ្នង    និងជាលិកាសរសៃប្រសាទផ្សេងទៀត ) លេចចេញជារូបរាងយ៉ាងល្អ។ បំពង់រំលាយអាហារ     និងសរីរាង្គញាណចាប់ផ្តើមវិវឌ្ឍ។ ឆ្អឹងខ្ចីវិវឌ្ឍទៅជាឆ្អឹង។