រោគសញ្ញាជំងឺមហារីកចំពោះស្ត្រី

ចាប់ពីវដ្តរដូវរហូតដល់ការអស់រដូវ   រាងកាយស្ត្រីឆ្លងកាត់ច្រើនដំណាក់កាលជាច្រើន។ ហើយវាជារឿងធម្មតាទេ   ដែលមានអារម្មណ៍ប្លែកនៅពេលខ្លះ។ ប៉ុន្តែវាជាការប្រសើរក្នុងការឱ្យគ្រូពេទ្យពិនិត្យអាការថ្មីៗ ។ ការផ្លាស់ប្តូរមួយចំនួនអាចជាសញ្ញានៃជំងឺមហារីក។

ជំងឺមហារីកទូទៅមួយចំនួនដែលស្ត្រីកើតមាន៖

សូមចងចាំថាអាការមហារីកដែលអាចកើតមានច្រើន    ក៏អាចបណ្តាលមកពីស្ថានភាពសុខភាពផ្សេងទៀតដែរ។ ហើយសម្រាប់ជំងឺមហារីកដែលជះឥទ្ធិពលលើទាំងបុរស    និងស្ត្រី    ទំនងមានអាការដូចគ្នាសម្រាប់ភេទទាំងពីរ។ ប៉ុន្តែវាចាំបាច់ណាស់ក្នុងការប្រាប់គ្រូពេទ្យ   ប្រសិនបើអ្នកសម្គាល់ឃើញសញ្ញាព្រមានជាក់លាក់។

ការប្រែប្រួលរូបរាងសុដន់ ឬក្បាលសុដន់

មានដុំសាច់មិនមែនមានន័យថាអ្នកមានជំងឺមហារីកសុដន់ទេ។ ប៉ុន្តែត្រូវពិនិត្យដុំសាច់ថ្មីនោះ   ជាពិសេសប្រសិនបើវាកើតអស់រយៈពេលជាងពីរសប្តាហ៍។

អាការផ្សេងទៀតដែលត្រូវប្រយ័ត្នរួមមាន៖

អ្នកជំនាញមួយចំនួនគិតថា   អ្នកគួរតែធ្វើការពិនិត្យសុដន់   និងក្លៀកម្តងក្នុងមួយខែ។ អ្នកជំនាញផ្សេងទៀតមិនយល់ស្របទេ។ គ្រូពេទ្យអាចជួយអ្នកក្នុងការសម្រេចថា   តើវាសមនឹងអ្នកឬអត់។ គ្រូពេទ្យក៏នឹងប្រាប់អ្នក   ថាតើអ្នកត្រូវការធ្វើការថតពិនិត្យសុដន់ដោយប្រើកាំរស្មី X ញឹកញាប់ប៉ុណ្ណា?  នោះគឺជាការថតកាំរស្មីអ៊ិច   ដែលស្វែងរកការផ្លាស់ប្តូរក្នុងជាលិកាសុដន់របស់អ្នក។

ការផ្លាស់ប្តូរក្នុងពោះវៀន

ការផ្លាស់ប្តូរក្នុងពោះវៀនអាចជាសញ្ញានៃជំងឺមហារីកពោះវៀនធំ។ វាប៉ះពាល់ដល់ចុងពោះវៀនធំ   និងពោះវៀនធំ។ វាអាចមើលទៅដូចជាជំងឺឫសដូងបាត (ជំងឺរលាកពោះវៀនធំដែលធ្វើឱ្យឈឺចាប់   និងរមាស់ “IBS”)   ឬជំងឺរលាកពោះវៀនធំ (IBD) ។ ស្ត្រីអាចច្រឡំអាការមហារីកពោះវៀនធំមួយចំនួន   ជាមួយនឹងជំងឺមុនពេលមានរដូវ (PMS) ឬរដូវរបស់ពួកគាត់។

សូមប្រាប់គ្រូពេទ្យ   ប្រសិនបើទម្លាប់បន្ទោរបង់របស់អ្នកផ្លាស់ប្តូរទៅយូរជាងពីរបីថ្ងៃ   ឬអ្នកមានអាការផ្សេងទៀតដូចជា៖

គ្រូពេទ្យអាចពិនិត្យរកជំងឺមហារីកពោះវៀនធំ   មុនពេលអ្នកមានអាការជំងឺ។ មានការធ្វើតេស្តផ្សេងៗគ្នាជាច្រើន   ប៉ុន្តែមានមធ្យោបាយមួយដើម្បីពិនិត្យក្នុងពោះវៀនធំ   ជាមួយនឹងបំពង់វែងដែលអាចបត់បែនបាន។ វាត្រូវបានគេហៅថាការឆ្លុះពោះវៀនធំ។ អ្នកប្រហែលជាត្រូវការវាជាប្រចាំ   ជាពិសេសប្រសិនបើអ្នកមានអាយុលើសពី ៤៥ ឆ្នាំ    ឬមានលក្ខខណ្ឌជាក់លាក់ដូចជា   ជំងឺរលាកពោះវៀនធំដែលមានដំបៅ។ គ្រូពេទ្យអាចជួយអ្នកក្នុងការសម្រេចថា    ការធ្វើតេស្តណាដែលល្អបំផុតសម្រាប់អ្នក។

អ្នកក៏អាចបន្ទោរបង់ច្រើន  ឬតិចជាងធម្មតា    ប្រសិនបើអ្នកមានដុំសាច់នៅលើ   ឬនៅជិតពោះវៀនធំ។ វាអាចកើតឡើងបាន    ប្រសិនបើអ្នកមានជំងឺមហារីកនៅក្នុងឆ្អឹងអាងត្រគាក    ឬទ្វារមាសរបស់អ្នក។

ឈឺពោះ    ឈឺឆ្អឹងអាងត្រគាក    ឬឈឺខ្នង

ការឈឺចាប់នៅលើដងខ្លួនអ្នកគឺជារឿងធម្មតា   ជាមួយលក្ខខណ្ឌដូចជារោគស្រទាប់ក្នុងរបស់ស្បូននៅខុសកន្លែង។ វាក៏អាចជាការឈឺរមួលពីវដ្តរដូវរបស់អ្នកដែរ។ ប៉ុន្តែការឈឺរយៈពេលយូរ   ឬសម្ពាធក្នុងពោះ    អាងត្រគាក    ឬខ្នងអាចជាសញ្ញានៃជំងឺមហារីកជាច្រើនប្រភេទ។ វារួមបញ្ចូលទាំងជំងឺមហារីកពោះវៀនធំ    មហារីកក្រពេញអូវែ     និងមហារីកស្រទាប់ក្នុងនៃស្បូន។

អ្នកក៏អាចឈឺខ្នងខាងក្រោមដែរ    ប្រសិនបើអ្នកមានដុំពកនៅលើឆ្អឹងខ្នងរបស់អ្នក    ឬមហារីកដែលបានរាលដាលមកពីកន្លែងផ្សេង។ វាកម្រណាស់   ប៉ុន្តែការឈឺពោះផ្នែកខាងលើដែលរាលដាលដល់ខ្នងរបស់អ្នក   ហើយភ្ជាប់មកជាមួយការស្រកទម្ងន់ដែលមិនអាចពន្យល់បាន    អាចជាសញ្ញានៃជំងឺមហារីកលំពែង។

ការហើមពោះ

វាជារឿងធម្មតាទេ   ដែលមានអារម្មណ៍ប៉ោងធំបន្ទាប់ពីញ៉ាំរួច    ឬមុនពេលមករដូវ។ ប៉ុន្តែសូមប្រាប់គ្រូពេទ្យ    ប្រសិនបើអ្នកហើមពោះជារៀងរាល់ថ្ងៃអស់រយៈពេលពីរបីសប្តាហ៍។ វាអាចជាសញ្ញានៃមហារីកក្រពេញអូវែ     ឬមហារីកប្រភេទផ្សេងទៀត។

ការផ្លាស់ប្តូរក្នុងការនោម

ការឆ្លងមេរោគលើផ្លូវបង្ហូរទឹកមូត្រគឺជាមូលហេតុទូទៅមួយ    នៃហេតុផលដែលប្លោកនោមរបស់អ្នកផ្លាស់ប្តូរទម្លាប់។ ប៉ុន្តែបញ្ហានោមជួនកាលជាសញ្ញានៃអ្វីដែលធ្ងន់ធ្ងរជាងនេះ។ សូមទៅជួបគ្រូពេទ្យភ្លាមប្រសិនបើក្នុងទឹកនោមអ្នកមានឈាម។ វាអាចជាសញ្ញានៃការឆ្លងមេរោគលើផ្លូវបង្ហូរទឹកមូត្រ    ប៉ុន្តែវាក៏អាចជាអាការនៃជំងឺមហារីកប្លោកនោម    ឬតម្រងនោមផងដែរ។

អាការផ្សេងទៀតដែលអាចជាសញ្ញានៃការឆ្លងមេរោគលើផ្លូវបង្ហូរទឹកមូត្រ    ឬមហារីកមាន៖

ការស្រកទម្ងន់ដោយមិនព្យាយាម

អ្នកអាចបន្ថយឱកាសនៃជំងឺមហារីក  ប្រសិនបើអ្នករក្សាទម្ងន់ធម្មតារបស់អ្នក។ ប៉ុន្តែសូមប្រាប់គ្រូពេទ្យប្រសិនបើអ្នកស្រកទម្ងន់ ១០ ផោន (៤,៥ គីឡូ)    ឬលើសពីនេះដោយមិនបានតមអាហារ។ មហារីកអាចបណ្តាលឱ្យអ្នកស្រកទម្ងន់។

ការធ្លាក់ឈាមខុសពីពេលមករដូវ ឬការធ្លាក់ទឹករំអិល

សូមប្រាប់គ្រូពេទ្យ    ប្រសិនបើអ្នកប្រទះឃើញនៅចន្លោះពេលមករដូវរបស់អ្នកមានការធ្លាក់ឈាម    ឬមានការធ្លាក់ទឹករំអិលដែលមានក្លិនមិនល្អ។ រឿងទាំងនេះច្រើនតែបណ្តាលមកពីការឆ្លងមេរោគ។ ប៉ុន្តែពេលខ្លះពួកវាជាសញ្ញានៃជំងឺមហារីកមាត់ស្បូន    មហារីកទ្វារមាស     ឬមហារីកស្រទាប់ក្នុងនៃស្បូន។

ប្រសិនបើអ្នកអស់រដូវ    សូមទៅជួបគ្រូពេទ្យភ្លាមប្រសិនបើអ្នកមានធ្លាក់ឈាម។ វាមិនមែនជារឿងធម្មតាទេ។

អស់កម្លាំង

ការមមាញឹកអាចកាត់បន្ថយថាមពលរបស់អ្នក។ អ្នកគួរតែមានអារម្មណ៍ធូរស្រាល   បន្ទាប់ពីគេងលក់ស្រួលមួយយប់។ ប្រសិនបើអ្នកមិនធូរស្រាលទេ    សូមប្រាប់គ្រូពេទ្យ។ ការអស់កម្លាំងធ្ងន់ធ្ងរដែលមិនបាត់អាចជាសញ្ញានៃជំងឺមហារីក។

ការបាត់បង់ចំណង់អាហារ

ដុំសាច់នៅក្នុង    ឬនៅជិតបំពង់រំលាយអាហារអាចសង្កត់លើក្រពះរបស់អ្នក។ អ្នកប្រហែលជាមានការពិបាកក្នុងការញ៉ាំ   ពីព្រោះអ្នកមានអារម្មណ៍ថាឆ្អែត។ មហារីកក៏អាចបញ្ចូនអ័រម៉ូនដែលរំខានដល់សញ្ញាឃ្លានរបស់អ្នក។

បែកញើសពេលយប់ ឬក្តៅខ្លួន

ប្រសិនបើអ្នកកំពុងអស់រដូវ     ជួនកាលអ្នកភ្ញាក់ពីគេងជាមួយនឹងកម្រាលពូកសើម។ ប៉ុន្តែការបែកញើសពេលយប់ខ្លាំងដែលកើតឡើងជាញឹកញាប់    ក៏អាចជាសញ្ញានៃជំងឺមហារីកឈាមស   ឬជំងឺមហារីកក្រពេញទឹករងៃ (កូនកណ្តុរ) ផងដែរ។ ជំងឺមហារីកឈាមទាំងនេះក៏អាចធ្វើឱ្យអ្នកក្តៅខ្លួនបានដែរ។

អ្នកក៏អាចក្តៅខ្លួនដែរ    នៅពេលដែលជំងឺមហារីករាលដាលពីកន្លែងផ្សេងទៀត (រាលដាលដោយជំងឺមហារីក) ឬប៉ះពាល់ដល់ប្រព័ន្ធភាពស៊ាំរបស់អ្នក។

ក្អក

ការក្អកយូរអង្វែងជួនកាលជាសញ្ញានៃជំងឺមហារីកសួត។ ប្រសិនបើអ្នកស្អក កគ្រប់ពេល   វាអាចជាមហារីកក្នុងប្រអប់សំឡេង (បំពង់សំឡេងក្នុងក)    ឬមហារីកក្រពេញទីរ៉ូអ៊ីត។ សូមប្រាប់គ្រូពេទ្យអំពីអាការទាំងនេះ។ សូមរកជំនួយផ្នែកវេជ្ជសាស្រ្តភ្លាមៗ    ប្រសិនបើអ្នកឈឺទ្រូង    និងក្អកឈាម។

ការផ្លាស់ប្តូរស្បែក

ជំងឺមហារីកស្បែកអាចមើលទៅដូចជាប្រជ្រុយដែលធំជាងមុន។ វាក៏អាចលេចឡើងជាដំបៅដែលមិនជាសះស្បើយ    ឬជាក្រមរក្រហមៗ។

គ្រូពេទ្យ   ឬគ្រូពេទ្យជំនាញខាងសើស្បែកអាចពិនិត្យរកជំងឺមហារីកស្បែក។ ប៉ុន្តែអ្នកក៏អាចធ្វើការពិនិត្យខ្លួនឯងទៀងទាត់នៅផ្ទះផងដែរ។ សូមយកចិត្តទុកដាក់លើផ្នែកទាំងអស់នៃរាងកាយរបស់អ្នក។ សូមពិនិត្យមើលនៅចន្លោះម្រាមជើង   ក្រោមក្រចកម្រាមជើង    និងនៅស្បែកក្បាលរបស់អ្នកផង។

ការក្រហាយទ្រូង ឬមានបញ្ហាក្នុងការលេប

អ្នកអាចកើតជំងឺមហារីកក្នុងមាត់    មហារីកបំពង់អាហារ    មហារីកក្រពះ     ឬមហារីកបំពង់ក (បំពង់អាហារផ្នែកខាងលើ) ។ វាអាចធ្វើឱ្យអ្នកឈ្លក់    ឬអួលនៅពេលអ្នកញ៉ាំ   ឬផឹក។ អ្នកអាចមានការពិបាកក្នុងការរំលាយអាហារ    ឬមានអារម្មណ៍ថាមានអ្វីមួយជាប់គាំងនៅក្នុងបំពង់ករបស់អ្នក។ សូមពិគ្រោះជាមួយគ្រូពេទ្យ    ប្រសិនបើអ្នកមានអាការទាំងនេះ។

អាការផ្សេងទៀតដែលត្រូវប្រយ័ត្ន

Leave a Comment