បន្ទាប់ពីមានផ្ទៃពោះ    ស៊ុតកាច់សំបុក។ វាអាចបណ្តាលឱ្យមានអាការដំបូងបង្អស់នៃការមានផ្ទៃពោះ៖ ការធ្លាក់ឈាមតិចតួច        និងពេលខ្លះការរមួលសាច់ដុំជុំវិញស្បូន (ចុកពោះ)។

វាត្រូវបានគេហៅថាការធ្លាក់ឈាមដោយសារការកាច់សំបុក។ វាកើតឡើងពី ៦ ទៅ ១២ ថ្ងៃបន្ទាប់ពីស៊ុតកាច់សំបុក។

ការរមួលសាច់ដុំជុំវិញស្បូនមានអាការប្រហាក់ប្រហែលនឹងការឈឺចាប់ពេលមានរដូវ    ដូច្នេះស្ត្រីខ្លះច្រឡំថាវាជាការធ្លាក់ឈាមសម្រាប់ការចាប់ផ្តើមនៃការមករដូវ។ ទោះបីជាយ៉ាងណាក៏ដោយ    ការធ្លាក់ឈាម    និងការរមួលសាច់ដុំជុំវិញស្បូនមានសភាពតិចតួច   និងស្រាល។

ក្រៅពីការធ្លាក់ឈាមតិចតួច    ស្ត្រីអាចកត់សម្គាល់នូវការធ្លាក់ទឹករំអិលពណ៌សទឹកដោះគោពីទ្វារមាសរបស់ពួកគេ។ វាគឺទាក់ទងនឹងការឡើងក្រាស់នៃជញ្ជាំងទ្វារមាស    ដែលចាប់ផ្តើមស្ទើរតែភ្លាមៗក្រោយពេលមានគភ៌។ ការកើនឡើងនៃការលូតលាស់របស់កោសិកានៅតាមទ្វារមាសបណ្តាលឱ្យមានការធ្លាក់ទឹករំអិល។

ទឹករំអិលដែលអាចបន្តធ្លាក់ពេញអំឡុងពេលមានផ្ទៃពោះមិនមានគ្រោះថ្នាក់   ហើយមិនត្រូវការការព្យាបាលទេ។ ប៉ុន្តែប្រសិនបើទឹករំអិលនោះមានក្លិនមិនល្អ   ឬបណ្តាលឱ្យរលាក   និងរមាស់     សូមប្រាប់គ្រូពេទ្យ។គ្រូពេទ្យអាចពិនិត្យមើលថាតើអ្នកមានឆ្លងមេរោគផ្សិត    ឬបាក់តេរីឬទេ។

ការប្រែប្រួលដើមទ្រូង

ការប្រែប្រួលដើមទ្រូងគឺជាសញ្ញាដំបូងផ្សេងទៀតនៃការមានផ្ទៃពោះ។ កម្រិតអ័រម៉ូនរបស់ស្ត្រីផ្លាស់ប្តូរយ៉ាងឆាប់រហ័សបន្ទាប់ពីមានផ្ទៃពោះ។ ដោយសារតែការផ្លាស់ប្តូរ    បន្ទាប់ពីរយៈពេលមួយ    ឬពីរសប្តាហ៍    ដើមទ្រូងរបស់ស្រ្តីអាចហើម    ឈឺ    ឬសង្កៀរ។ ឬស្រ្តីអាចមានអារម្មណ៍ធ្ងន់    ឬពេញ    ឬឈឺពេលប៉ះដើមទ្រូង។ តំបន់ជុំវិញក្បាលសុដន់ ក៏អាចប្រែទៅជាពណ៌ក្រម៉ៅដែរ។

កត្តាផ្សេងទៀតអាចបណ្តាលឱ្យមានការផ្លាស់ប្តូរដើមទ្រូងដែរ។ ប៉ុន្តែប្រសិនបើការផ្លាស់ប្តូរគឺជាអាការដំបូងនៃការមានផ្ទៃពោះ    សូមចងចាំថាវានឹងចំណាយពេលច្រើនសប្តាហ៍ដើម្បីសុំាទៅនឹងកម្រិតអ័រម៉ូនថ្មី។ ប៉ុន្តែនៅពេលរាងកាយសុំាទៅនឹងកម្រិតអ័រម៉ូនថ្មី    ការឈឺដើមទ្រូងក៏ធូរស្រាលដែរ។

ភាពល្ហិតល្ហៃ

ការមានអារម្មណ៍អស់កម្លាំងខ្លាំងគឺជារឿងធម្មតាក្នុងពេលមានផ្ទៃពោះ។  វាចាប់ផ្តើមតាំងពីដំបូង។

ស្ត្រីអាចចាប់ផ្តើមមានអារម្មណ៍នឿយហត់ខុសធម្មតាចាប់ពីមួយសប្តាហ៍បន្ទាប់ពីមានផ្ទៃពោះ។

ហេតុអ្វី? ជារឿយៗវាទាក់ទងទៅនឹងកម្រិតខ្ពស់នៃអ័រម៉ូនប្រូសេស្តេរ៉ូន    ទោះបីជាកត្តាផ្សេងទៀតដូចជា    កម្រិតជាតិស្ករក្នុងឈាមទាប    សម្ពាធឈាមទាប    និងការផលិតគ្រាប់ឈាមមិនគ្រប់គ្រាន់អាចចូលរួមចំណែកក៏ដោយ។

ប្រសិនភាពល្ហិតល្ហៃទាក់ទងនឹងការមានផ្ទៃពោះ    វាចាំបាច់ត្រូវសម្រាកឱ្យបានច្រើន។ ការទទួលទានអាហារដែលសម្បូរទៅដោយជាតិប្រូតេអ៊ីន    និងជាតិដែកអាចជួយកាត់បន្ថយភាពល្ហិតល្ហៃបានដែរ។

ការចង់ក្អួត (ចាញ់កូន)